قاندىن بولغان قارا بېسىش

          ئەگەر قان خىلىتى غالىپ بولغان بولسا ، چىرايى ، تىلى ، كۆزلىرىدە قىزىللىق بولىدۇ . بىمار قىزىل رەڭلىك نەرسىلەرنى خىيال قىلىدۇ . قان خلىتىغا خاس ئالامەتلەر بولىدۇ .

          بىمار پەرىشانلىق ئىلكىدە ئۇخلايدۇ . بەزىدە بىرەر نەرسە ئۇنى بېسىۋالغاندەك ياكى كۆكرىكىنى سىققاندەك بولىدۇ . بۇ ۋاقتتا ئۇنىڭ نەپىسى سىقىلىپ توختاپ قالىدۇ ، سۆزلىيەلمەيدۇ ، ھەرىكەتمۇ قىلالمايدۇ .

          &داۋالاش : 15 دانە ئەينۇلىنى سۇغا چىلاپ ، شىرىسىنى ئېلىپ ، 24 گرام ئانار شەربىتى قوشۇپ ئىچكۈزىلىدۇ .

          63گرام تەمرى ھىندىنىڭ شىرىسىنى ، 180 گرام ئەرقى گاۋزىباندا چىقىرىپ ، 24 گرام لىمون شەربىتى قوشۇپ ئىچكۈزۈلىدۇ .

          6 گرام شاھتەرە ياكى  4گرام بەدىياننى سۇدا قاينىتىپ ، 24 گرام سىركەنجىۋىل ساددە ياكى ھەسەل سۈيى قوشۇپ ئىچكۈزۈلىدۇ .

بەلغەم ۋە سەۋدادىن بولغان قارا بېسىش

          قارا بېسىش بىلەن بىرگە بەلغەم ۋە سەۋدانىڭ خاس ئالامەتلىرى كۆرۈلىدۇ .

          &داۋالاش : 6 گرام تۇرۇپ ئۇرۇقى ياكى 6گرام سېرىقچېچەك ئۇرۇقىنى سۇدا قاينىتىپ ، 24 گرام ھەسەل قوشۇپ ، تۇز سېپىپ ئىچكۈزۈپ قەي قىلدۇرلىدۇ .

          12گرام بادرەنقى بۇيا بىلەن 12گرام ئۇستقۇددۇسنى سۇدا قاينىتىپ ، 24 گرام ئاق ناۋات قوشۇپ ئىچكۈزۈلىدۇ . شۇنىڭدەك بىر گرام قۇندۇز قەھرىنى 12 گرام ھەسەلگە ئارىلاشتۇرۇپ يالاتقۇزلىدۇ .

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى