ئامېرىكا ۋاشىنگتون ئۇنىۋېرسىتېتى قاتارلىق ئورۇنلارنىڭ تەتقىقاتچىلىرى ‹‹گېن تەتقىقات گۇرۇپپىسى›› ژۇرنىلىدا ئېلان قىلغان دوكلاتىدا ئېيتىشىچە، بۇ 25 خىل ‹‹ئۇزاق ئۆمۈر كۆرۈش گېنى›› ئىچىدە ئاز دېگەندىمۇ 15 خىل گېن ئادەم بەدىنىدىكى گېن گۇرۇپپىسى نۇسخىسىغا ئوخشاپ كېتىدىكەن. بۇ شۇنىڭدىن دېرەك بېرىدۇكى، تەتقىقاتچىلار ئادەم بەدىنىدىكى گېننى قۇلۇپلاش ئارقىلىق، ئادەمنىڭ قېرىش باسقۇچىنى ئازايتىپ، قېرىلىق كەلتۈرۈپ چىقىرىدىغان كېسەللەرنى ساقايتقىلى بولىدىغانلىقى توغرىسىدىكى تەتقىقات نىشانىغا يېتەلىشى مۇمكىن.

   تەتقىقات گۇرۇپپىسىدىكىلەرنىڭ چۈشەندۈرۈشىچە: ئۇلار تاق ھۈجەيرىلىك بىخلىنىپ كۆپىيىدىغان ئېچىتقۇ زەمبۇرۇغى بىلەن گۈزەللىكى يوشۇرۇنغان يىپچە قۇرتنىڭ گېنىنى ئانالىز قىلغان. بۇلارنىڭ ھەر ئىككىلىسى قېرىش تەتقىقاتى ساھەسىدە دائىم ئىشلىتىلىدىغان ئۈلگىلىك جانلىقلار ئىكەن. تارىخىي تەدرىجىي تەرەققىياتتىن قارىغاندا، بۇ ئىككى خىل جانلىق ئارىسىدا تەخمىنەن 15 مىليارد يىل ئارىلىق بار بولۇپ، شۇنچە چوڭ بولغان تەدرىجىي تەرەققىيات پەرقى بىلەن سېلىشتۇرغاندا، كىچىككىنە قۇرت بىلەن ئادەم ئارىسىدىكى پەرق تېخىمۇ چوڭ بولىدىكەن. شۇڭا بۇ ئىككى خىل جانلىق تېنىدە ئورتاق بولغان، ئۆمۈر بىلەن مۇناسىۋەتلىك گېننى ئايرىپ چىقىرىشنىڭ ئەھمىيىتى زور ئىكەن. بۇنىڭدىن باشقا ئادەم بەدىنى گېن گۇرۇپپىسىدىمۇ ئون نەچچە شۇنىڭغا ئوخشىشىپ كېتىدىغان گېن بار بولۇپ، بۇ گېنلارنىڭمۇ ئادەم ئۆمرىنى كونترول قىلالايدىغانلىقى ئېھتىماللىققا بەك يېقىن ئىكەن.

   ۋاشىنگتون ئۇنىۋېرسىتېتىنىڭ بىئوخىمىيە مۇتەخەسسىسى جون. كىنىدى مۇنداق دېدى: كەلگۈسىدە ئۇلارنىڭ گېن قۇرۇلۇشى ئارقىلىق ئادەم تېنىدىكى ‹‹ئۇزاق ئۆمۈر كۆرۈش گېنى››نى كونترول قىلغاندا، ئادەمنىڭ ئۆمرىنىلا ئەمەس، ‹‹ساغلام ئۆمۈر›› ۋاقتىنىمۇ ئۇزارتقىلى بولىدۇ.


( مۇھەررىر : لالە )

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى