ئاپتونوم رايونلۇق ئەمگەك ۋە ئىجتىمائىي كاپالەت نازارىتىنىڭ ئالاقىدار مەسئۇلى مۇنداق دېدى: بۇ قېتىمقى ئاپتونوم رايون دەرىجىلىك ئورۇنلاردىكى ئىشچى – خىزمەتچىلەرنىڭ ئاساسىي داۋالىنىش سۇغۇرتىسى كارتىسى ئىشلىتىلىدىغان نۇقتىلارنىڭ سالاھىيىتىنى قايتىدىن بېكىتىش ئاپتونوم رايوننىڭ ئالاقىدار بەلگىلىمىلىرى بويىچە ئىشلەنگەن بولۇپ، سۇغۇرتىغا قاتناشقانلارنىڭ تارقىلىش ئەھۋالى، ئاساسىي داۋالىنىش سۇغۇرتىسى فوندىنىڭ تۆلەش ئىقتىدارى، داۋالىنىش سۇغۇرتىسى كومپيۇتېر تورىنىڭ سىغىمچانلىقى قاتارلىق ئامىللار تولۇق كۆزدە تۇتۇلدى، بېكىتىش ئۆلچىمىمۇ خېلى چىڭ بولدى، ئىلتىماس قىلىش ماتېرىيالى تولۇق بولمىغان 100 دىن ئارتۇق داۋالاش ئورگىنى ۋە دورىخانا تاللانماي، سۇغۇرتىغا قاتناشقۇچىلارنىڭ مەنپەئىتىگە كاپالەتلىك قىلىندى.

     ئىگىلىشىمچە، 2006 – يىلى ئاپتونوم رايون دەرىجىلىك ئورۇنلاردىكى ئىشچى – خىزمەتچىلەرنىڭ  ئاساسىي داۋالىنىش سۇغۇرتىسى كارتىسى ئىشلىتىلىدىغان نۇقتا سالاھىيىتىگە ئېرىشكەن ئۈرۈمچى شەھىرىدىكى ‹‹خۇيرېن›› دوختۇرخانىسى قاتارلىق يەتتە دوختۇرخانا ۋە دورىخانىدا ساختا داۋالىنىش ئىسپاتى يېزىپ بېرىش، داۋالىنىش ھۆججىتىنى ئويدۇرۇش  ۋە سۇغۇرتا كارتىسىغا تۇرمۇش بۇيۇملىرىنى سېتىش قاتارلىق بەلگىلىمىگە خىلاپ مەسىلىلەرنىڭ بارلىقى تەكشۈرۈپ ئېنىقلانغانلىقتىن، بۇ قېتىم  تاللاشتا قالدۇرۇلغان. ئۇلار بۇنىڭدىن كېيىنكى ئىككى يىل ئىچىدە ئاساسىي داۋالىنىش سۇغۇرتىسى كارتىسى ئىشلىتىلىدىغان نۇقتا سالاھىيىتىگە ئىلتىماس قىلسا بولمايدىكەن.

     زىيارەت جەريانىدا 256 نۇقتىلىق داۋالاش ئاپپاراتى ئىچىدە 3 –  دەرىجىلىك دوختۇرخانىدىن 20 سى، 2 – دەرىجىلىك دوختۇرخانىدىن 26 سى، 1 – دەرىجىلىك دوختۇرخانىدىن 65 ى بارلىقىنى، كۆپىنچىسىنىڭ پايدا ئالمايدىغان دوختۇرخانا ئىكەنلىكىنى ئىگىلىدىم، سۇغۇرتىغا قاتناشقۇچىلارنى مەھەللە سەھىيە مۇلازىمەت پونكىت (مەركەز)لىرىدە كېسەل كۆرسىتىشكە يېتەكلەش ۋە رىغبەتلەندۈرۈش ئۈچۈن، بۇ قېتىمقى قايتا بېكىتىشتە زۆرۈر مايىل سىياسەتلەر يولغا قويۇلۇپ، مەھەللە سەھىيە مۇلازىمەت پونكىت (مەركەز)لىرىنى كارتا ئىشلىتىش نۇقتىلىرى قاتارىغا كىرگۈزۈشكە ئەھمىيەت بېرىلىپتۇ.

     ھازىر ئاپتونوم رايوننىڭ ئىجتىمائىي سۇغۇرتا بېجىرىش ئورگانلىرى يېڭىدىن بېكىتىلگەن نۇقتىلىق داۋالاش ئورگانلىرى بىلەن مۇلازىمەت قىلىنىدىغان كىشىلەر توپى، مۇلازىمەت دائىرىسى، مەزمۇنى، سۈپىتى، داۋالىنىش ھەققىنى ھېسابات قىلىش چارىسى، داۋالىنىش ھەققىنى تۆلەش ئۆلچىمى ۋە داۋالىنىش ھەققىنى تەكشۈرۈش ھەم تىزگىنلەش قاتارلىق مەزمۇنلاردا كېلىشىم ئىمزالىدى ۋە ھەرقايسى نۇقتىلىق دورىخانا، داۋالاش ئاپپاراتلىرىغا بىر تۇتاش ۋىۋىسكا تارقاتتى، سۇغۇرتىغا قاتناشقۇچىلار ۋىۋىسكىغا قاراپ دورا سېتىۋالسا، كېسەل كۆرسەتسە بولىدۇ.

( مۇھەررىر : ئامانگۈل )

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى