ئۇنىڭ ئۇستىگە بۇ يىلقى تارقىلىشچان زۇكام پەيدا قىلىدىغان A1 ، A3 ۋە B تىپلىق ۋېروستا ئۆزگىرىش بولغانلىقتىن، بۇلتۇر تارقىلىشچان زۇكامدىن مۇداپىئە كۆرۈش ۋاكسىنىسى ئەملىگەن كىشىلەرنىڭ تېنىدە بۇ يىلقى بۇ خىل ۋېروسقا بولغان قارشىلىق كۈچى بولمايدىكەن. شۇڭا ئاسان كېسەل بولىدىغان ياشقا چوڭلار ۋە كىچىك بالىلار بۇ يىل چوقۇم يەنە قايتىدىن تارقىلىشىچان زۇكامدىن مۇداپىئە كۆرۈش ۋاكسىنىسى ئەملىشى كېرەك ئىكەن.

               ئادەتتە تارقىلىشچان زۇكام ۋاكسىنىسىنى كىشىلەر ئۆز ئىختىيارلىقى بىلەن ئۆز خىراجىتىگە ئۇرغۇزىدۇ. ئىمپورت قىلىنغان ۋاكسىنىنىڭ ئەڭ يۇقىرى پارچە سېتىلىش باھاسى 116 يۈەن. دۆلىتىمىزدە ئىشلەپچىقىرىلغان ۋاكسىنىنىڭ پارچە سېتىلىش باھاسى 70، 80 يۈەن ئەتراپىدا. ئادەتتە ياشقا چوڭلار ۋە بالىلارنىڭ كېسەلگە قارشىلىق كۈچى بىر قەدەر ئاجىز بولىدۇ. بولۇپمۇ ياشانغانلاردا كۆپىنچە تاجىسىمان يۈرەك كېسىلى، قان بىسىم، دىئابىت كېسىلى بولىدۇ. تارقىلىشچان زۇكامدىن مۇداپىئە كۆرۈش ۋاكسىنىسىنى ئەملىگەندە، ياشانغانلار تارقىلىشچان زۇكامغا گىرىپتار بولمايدۇ – دە، باشقا ئەگەشمە كېسەللەرنىڭ قوزغىلىش نىسبىتىمۇ تۆۋەن بولىدۇ.

               ئاپتونوم رايونلۇق كېسەللىكلەرنى كونترول قىلىش مەركىزى يۇقۇملۇق كېسەللىكلەردىن مۇداپىئە كۆرۈش ۋە ئۇنى داۋالاش بۆلۈمىنىڭ مۇئاۋىن مۇدىرى ليۇ چۇەنمىڭ مۇنداق دېدى : ‹‹ كىشىلەر تارقىلىشچان زۇكامدىن مۇداپىئە كۆرۈش ۋاكسىنىسى ئەملىگەندىن سىرت، يەنە ئۆزلىرى تۇرۇشلۇق جاينىڭ ھاۋاسىنى پات – پات ئالماشتۇرۇپ تۇرۇشقا دىققەت قىلىشى، قولىنى ۋاقتى – ۋاقتىدا يۇيۇپ تۇرۇشى، كىشىلەر توپلانغان جايغا ئاز بېرىشى، بارسىمۇ ئۇزۇن تۇرماسلىقى كېرەك. ئۇنىڭدىن سىرت، ياشانغانلار ساناتورىيىسى، مەكتەپ ۋە بالىلار باغچىللىرىمۇ تارقىلىشچان زۇكامدىن مۇداپىئە كۆرۈش تەدبىرلىرىنى ۋاقتىدا قوللىنىشى كېرەك ›› .

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى