شىنخۇا ئاگېنتلىقى، بېيجىڭ، 22 – سېنتەبىر تېلېگراممىسى. دۆلەت سۈت پاراشوكى ۋەقەسىنى تەكشۈرۈش بىر تەرەپ قىلىشقا رەھبەرلىك قىلىش گۇرۇپپىسى ۋەقەنى تەكشۈرۈش گۇرۇپپىسىنىڭ تەكشۈرۈش نەتىجىسىگە ئاساسلانغاندا، ‹‹سەنلۇ››ماركىلىق بوۋاقلار سۈت پاراشوكى ۋەقەسى زور يېمەكلىك بىخەتەرلىكى ۋەقەسى ھېسابلىنىدىكەن. ‹‹گوۋۇيۈەننىڭ پەۋقۇلئاددە زور بىخەتەرلىك ھادىسىلىرىدىكى مەمۇرىي مەسئۇلىيەتنى سۈرۈشتۈرۈش توغرىسىدىكى بەلگىلىمىسى››، ‹‹پارتىيە، ھۆكۈمەت رەھبىرىي كادىرلىرىنىڭ ۋەزىپىسىدىن ئىستېپا بېرىش ۋاقىتلىق بەلگىلىمىسى›› قاتارلىق مۇناسىۋەتلىك بەلگىلىمىلەرگە ئاساسەن، خېبېي ئۆلكىلىك پارتكوم دائىمىي كومىتېتىنىڭ ئەزاسى، شىجياجۇاڭ شەھەرلىك پارتكومنىڭ شۇجىسى يولداش ۋۇشيەنگو ‹‹سەنلۇ›› ماركىلىق سۈت پاراشوكى ۋەقەسىدە رەھبەرلىك مەسئۇلىيىتى بارلىقى ھەم ۋەقەنى يۇقىرىغا ۋاقتىدا مەلۇم قىلماسلىق، ۋەقەنى ياخشى بىر تەرەپ قىلماسلىقتا بىۋاسىتە مەسئۇلىيىتى بولغانلىقى ئۈچۈن، پارتىيە مەركىزىي كومىتېتى، گوۋۇيۈەننىڭ تەستىقلىشى بىلەن خېبېي ئۆلكىلىك پارتكوم دائىمىي كومىتېتىنىڭ ئەزاسىلىق، شىجياجۇاڭ شەھەرلىك پارتكومنىڭ شۇجىسىلىق ۋەزىپىسىدىن قالدۇرۇلدى؛ بىر نەچچە سۈت مەھسۇلاتلىرى كارخانىسىنىڭ قىسمەن مەھسۇلاتلىرىنىڭ تەركىبىدە مېلامىن بايقالغانلىق ۋەقەسىدە دۆلەت سۈپەت – تېخنىكا نازارەتچىلىكى ۋە پرىيوم – كارانتىن باش ئىدارىسىنىڭ نازارەت قىلىپ باشقۇرۇشىدا نۇقسان كۆرۈلدى، ئىدارە باشلىقى يولداش لى چاڭجياڭنىڭ بۇنىڭدا رەھبەرلىك مەسئۇلىيىتى بار، يولداش لى چاڭجياڭنىڭ سەۋەنلىك ئۆتكۈزۈش سەۋەبىدىن دۆلەت سۈپەت – تېخنىكا نازارەتچىلىكى ۋە پرىيوم – كارانتىن باش ئىدارىسىنىڭ باشلىقىلىق ۋەزىپىسىدىن ئىستېپا بېرىش ئىلتىماسى قوبۇل قىلىندى .

( مۇھەررىر : لالە )

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى