گۈلخان 2003 – يىلى 5 – ئايدا مەلۇم دوختۇرخانىدا يېتىپ داۋالانغان بولۇپ، داۋالاش ئېھتىياجى بىلەن ئۇنىڭ بەل قىسمىنى ئوپېراتسىيە قىلىشقا توغرا كەلگەن. گۈلخاننىڭ ئائىلىسى ئوپېراتسىيىدىن ئەنسىرىگەندە دوختۇرخانا تەرەپ كاپالەتلىك بېرىپ، ياخشى دوختۇر – سېستىرالارنى ئورۇنلاشتۇرماقچى بولغان ھەمدە ئوپېراتسىيىگە دوختۇرخانىنىڭ تەكلىپلىك دوختۇرى ئابلىزنى ئورۇنلاشتۇرغان.

              ئوپېراتسىيە جەريانىدا ئابلىز ئېھتىياتسىزلىقتىن گۈلخاننىڭ ئاساسلىق تومۇرىنى كېسىۋەتكەنلىكتىن گۈلخان ئوپېراتسىيىدىن كېيىن نورمال ماڭالمايدىغان بولۇپ قالغان. بۇنى كۆرگەن گۈلخاننىڭ ئائىلىسىدىكىلەر ئۇنى قانۇن دوختۇرىغا باھالاتقان. نەتىجىدە گۈلخانغا 8 – دەرىجىلىك مېيىپ، دەپ يەكۈن چىقىرىلغان. گۈلخان دوختۇرخانا تەرەپتىن تۆلەم بېرىشنى كۆپ قېتىم تەلەپ قىلغان بولسىمۇ، دوختۇرخانا :«ئوپېراتسىيىنى ئابلىز قىلغان، ئۇ دوختۇرخانىمىزنىڭ دوختۇرى ئەمەس، شۇڭا تۆلەم جاۋابكارلىقىنى ئابلىز ئۈستىگە ئېلىشى كېرەك» دەپ رەت قىلغان.

              شۇنىڭ بىلەن گۈلخان دوختۇرخانا ئۈستىدىن خەلق سوت مەھكىمىسىگە دەۋا قىلغان. سوت مەھكىمىسى دېلوغا قاراپ چىققاندىن كېيىن، دوختۇرخانا تەكلىپ قىلىپ ئىشلىتىۋاتقان دوختۇر ئوپېراتسىيە جەريانىدا زىيان پەيدا قىلغان بولغاچقا، ھەق تەلەپ جاۋابكارلىقىنى مەزكۇر دوختۇرخانا ئۈستىگە ئېلىشى كېرەك، دەپ قاراپ، دوختۇرخانىنى گۈلخاننىڭ تۈرلۈك چىقىملىرىنى تۆلەپ بېرىشكە بۇيرۇغان.

              بۇ دېلودىكى تەكلىپ قىلىنغان دوختۇر ئابلىزنىڭ گۈلخاننى داۋالاتقان قاتنىشىش ھەرىكىتى بىر خىل ۋاكالەتلىك ھەرىكىتىدىن ئىبارەت.

              بۇ دېلودا تەكلىپلىك دوختۇر ئابلىز بىمار گۈلخاننى ئوپېراتسىيە قىلىش ھەرىكىتى قارىماققا ئابلىز بىلەن گۈلخان ئوتتۇرىسىدىكى ئىشتەك كۆرۈنسىمۇ، ئەمەلىيەتتە گۈلخان بىلەن دوختۇرخانا ئوتتۇرىسىدىكى مۇلازىمەت قىلىش ۋە مۇلازىمەتتىن بەھرىمەن بولۇشتەك ھەق تەلەپ قانۇن مۇناسىۋىتىدۇر. گۈلخان داۋالىنىش ئۈچۈن مەزكۇر دوختۇرخانىغا كەلگەن، تەكلىپ بىلەن ئىشلەۋاتقان ئابلىز مەزكۇر دوختۇرخانىنىڭ ھوقۇق بېرىشى بىلەن داۋالاش پائالىيىتىگە قاتناشقان. بۇ خىل داۋالاش مۇلازىمىتىدىن ئاساسلىق مەنپەئەتكە ئېرىشكۈچى دوختۇرخانا بولۇپ، دوختۇر ئابلىزنىڭ داۋالاش ھەرىكىتى دوختۇرخانا ئۈچۈن ۋاكالەتلىك قىلىش ھەرىكىتىدىن ئىبارەت.

              ھەق تەلەپ قانۇنىي ئومۇمىي قائىدىسىنىڭ 63 – ماددىسىدا:«پۇقرالار، قانۇنىي ئىگىلەر ھەق تەلەپ قانۇنىي ھەرىكىتىنى ۋاكالەتچى ئارقىلىق ئېلىپ بارسا بولىدۇ. ۋاكالەتچى ھەق تەلەپ ئىشلىرىدىكى قانۇنى ھەرىكىتىنى ۋاكالەتلىك ھوقۇق دائىرىسىدە ۋاكالەتلىك قىلىنغۇچىنىڭ نامىدا ئېلىپ بارىدۇ. ۋاكالەتلىك قىلىنغۇچى ۋاكالەتچىنىڭ نامىدا ئېلىپ بارىدۇ» دەپ بەلگىلەنگەن.

              تەكلىپ قىلىنغان دوختۇر ئابلىز دوختۇرخانىنىڭ دوختۇرى بولۇش سالاھىيىتى بىلەن ئوپېراتسىيە پائالىيىتىگە قاتناشقان بولغاچقا، ئۇنىڭ ھەرىكىتى دوختۇرخانا ئۈچۈن ۋاكالەتلىك قىلىش ھەرىكىتىدىن ئىبارەت، شۇڭا گۈلخاننىڭ مۇناسىپ زىيىنىنى دوختۇرخانا ئۈستىگە ئېلىشى كېرەك. دوختۇرخانىنىڭ :«ئابلىز دوختۇرخانىمىزنىڭ رەسمىي دوختۇرى ئەمەس، زىياننى ئۆزى پەيدا قىلغانلىقى ئۈچۈن تۆلەم جاۋابكارلىقىنى ئۆزى ئۈستىگە ئېلىشى كېرەك» دېگەننى ئاساس قىلىپ گۈلخاننىڭ زىيىنىنى تۆلەشنى رەت قىلىشنىڭ قانۇنىي ئاساسى يوق، شۇڭا خەلق سوت مەھكىمىسىنىڭ گۈلخاننىڭ زىيىنىنى دوختۇرخانىنىڭ تۆلىشىنى بۇيرۇشى قانۇنغا تامامەن ئۇيغۇن.

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى