ئەسلى تېما:]مۇراجەت[ تورداشلار، بۇ قىزنى قۇتقۇزىۋالايلى!

             مەن مەتسىدىق (جۈمەنىسانىڭ دادىسى) ئاكا بىلەن ئۇچراشقان كۈنى ئۇلارنىڭ يانچۇقىدا بىر تىيىن پۇل يوق ئىكەن. مەتسىدىق ئاكا ئىشلارنى ھېكايە قىلىپ مۇنداق دەيدۇ.

             مەتسىدىق ئاكا قىزىنى يۇرتىنىڭ ئادىتى بويىچە 15-16 يېشىدا تالالىق قىلغان بولۇپ، ئۇزۇن ئۆتمەي قىزى ھامىلدار بولغان. بۇنىڭدىن ھەممەيلەن بەك خۇش بولغان. لېكىن ھامىلدارلىقنىڭ كۈن سانى ئېشىشىغا ئەگىشىپ، دېمى سىقىلىشتەك ئېغىر بىنورمال ئالامەتلەر كۆرۈلگەن. يېزىدىكى تېۋىپلاردىن دورا ئېلىپ يىگەن بولسىمۇ، قىلچە پايدىسى بولمىغان. ئاخىرى خوتەن ۋىلايەتلىك دوختۇرخانىغا بېرىپ تەكشۈرتكەندىن كېيىن، يۈرەك كېسىلى باركەن، ئۆپكە سېسىپتۇ، دىگەندەك دىئاگىنوزلارنى قويغان ۋە دوختۇلار بالىنى چۈشۈرۋېتىشنى تەلەپ قىلغان. لېكىن بالا 6 ئايلىقتەك چوڭ بولۇپ بولغان بولغاچقا، بالىنى چۈشۈرمەي تۇغىۋەرگەن. ئۇنىڭ ئۈستىگە "يۈرەك كېسىلى" دىگەن گەپنى ئاڭلىغان جۇمەنىسانىڭ يولدىشى ئۇنىڭدىن ئايرىلىپ كەتكەن. (ئېرىنىڭ يۈزسىزلىكىنى ئاڭلاپ مېنىڭمۇ بەك غەزىپىم كەلدى) بالا ئاخىرى توغۇلغان، شۇنداقلا بارلىق بىساتلىرىنى سېتىپ دىگۈدەك خوتەن ۋىلايەتلىك دوختۇخانىدا ئوپراتسىيە قىلدۇرغان. گەرچە ئوپراتسىيە قىلدۇرغان بىلەن، جۇمەنىسانىڭ كېسىلى ئۈزۈل كېسل ساقايمىغان. بۇلار بۇنىڭدىن 3 يىل مۇقەددەمكى ئىشلار ئىكەن.

             يېقىندا جۇمەنىسانىڭ كېسىلى بارغانچە ئېغىرلىغان ۋە خوتەندىكى دوختۇرلار ئۈرۈمچىگە بېرىپ داۋالىنىشنى `تەۋىسىيە قىلغان. بۇيىل 7 -ئاينىڭ باشلىرىدا ئازراق پۇل غەملىگەن مەتسىدىق ئاكا ئايالىنى تەڭ ئېلىپ، قىزىنى داۋالىتىش ئۈچۈن ئۈرۈمچى تېببىىي ئۇنۋېرستېت دوختۇرخانىسىغا كەلگەن. جۇمەنىسانىڭ كېسەللىك ئالامىتى ئۆپكە تەرەپتە بولغاچقا، تېببىي ئۇنۋېرستېت دوختۇرخانىسى ئۇلارنى 17- ئوتتۇرا مەكتەپنىڭ قىيپاش ئۇددۇلىدىكى ئوپكە دوختۇرغانىسىغا يۆتكەپ بەرگەن. بىر نەچچە كۈن داۋالىغاندىن كېيىن، مەتسىدىق ئاكىلارنىڭ قولىدا سىنىت پۇل قالمىغان ۋە مۇناىسۋەتلىك ئورۇنلاردىن ياردەم سوراۋاتقاندا مەن بىلەن ئۇچۇرۇشۇپ قالغان ئىدى. مەن بۇنداق ياردەم سورىسا ھېچنىمىگە ئېرىشەلمەيدىغانلىقىنى بىلگەچكە، توردا مۇراجەت قىلىپ بېقىش تەكلىپىنى بەردىم. ئۇلار 1200 كوي پۇلنى دوختۇرغا ئۆتكۈزىۋەتكەندىن باشقا ھېچقانداق پۇلى قالمىغان ئىكەن. شۇ كۈنىمۇ 1200 كويدىن دوختۇرخانىدا ئاران 200 كوي ئېشىپتىكەندۇق.

             ئۇلار كۈنىنى ياتاقداشلارنىڭ بىرەر ۋاق تامىقى ۋە بەزى ئاق كۆڭۈل كىشلەرنىڭ بەرگەن نەچچە ئون كوي پۇلى بىلەن قامداۋىتىپتىكەندۇق. ياتاقداشلار بەرگەن تاماقنى ئۆزلىرى يىمەي، قىزىغا يىگۈزگەچكە، ئاپىسى ئاچ قۇرساقچىلىقتا ئاشقازان كېسىلى بولۇپمۇ قاپتۇ.

             كېيىن مەن بىر نەچچە قېتىم ئەمەلىي كېسەللىك ئەھۋالىنى كۆرۈپ كەلدىم، تۆنۈگۈن دوختۇردىن جۇمەنىسانىڭ كېسەللىك ئەھۋالىنى سورىۋالدىم. جۇمەنىسا ئەسلى تۇبېركليۇز بىلەن ئاغرىپتۇ. ھېچقانداق يۈرەك كېسىلى يوقكەن (بۇنى ئۇقسا ئېرى قانداق قىلاركىن؟) بەلكى ئۆپكىدىكى تۇبېركليۇز سەۋەبىدىن يۈرەككە تەسىر قىلغان ئىشكەندۇق. باشتا ئۆپكە تۇبېركليۇزدىن باشلىنىپتۇ، ئۇزۇن مەزگىل داۋالانماي ياكى چالا داۋالانغانلىقتىن، تۇبېركليۇز پۈتۈن بەدەنگە تاراپتۇ ۋە مىنگىتكە (مىنگىت- مېڭە ياللۇقى، بۇ ئىنتايىن ئېغىر كېسەل بولۇپ، ئۆلۈش نىسبتى ئىنتايىن يۇقىرى) تەرەققىي قىلىشقا باشلاپتۇ. يەنە ئۈچەي تۇبېركليۇزى بارلىقى ئېھتىمالغا يېقىن ئىكەن. جۇمەنىسا ئاغرىق ۋە ئوزۇقلۇق يىتىشمەسلىك سەۋەبىدىن بىر تېرە بىر ئۇستىخان بولۇپ قاپتۇ. (رەسىمدىكىدەك) ئەسلىدە تۇبېركليۇز بولغان ئادەم ئوزۇقلۇق قىممىتى يۇقرى بولغان، بولۇپمۇ ئاقسىللىق يىمەكلىكلەرنى كۆپ يەپ بېرىشى كېرەك ئىدى. لېكىن ھازىر ئۇلارغا يىگۈدەك ئاددى نەرسىلەرمۇ تېپىلمايۋاتىدۇ.

             ھازىر ئۇلار ئۈرۈمچى 17- ئوتتۇرا مەكتەپنىڭ يانتۇ ئۇددۇلىدىكى ئۆپكە دوختۇرخانىسىنىڭ 3- قەۋەت 30- كارۋاتتا يېتىۋاتىدۇ. (يېقىندا مۇشۇ تېلېفون يوق ياتاققا يۆتكەلدى، مېنىڭ تېلفون نومۇرۇم 0991- 8299147، مەتسىدىق ئاكا كۈندە چۈشتە بىزنىڭ ئۆيگە كېلىدۇ).

             مۇشۇ مۇراجەتنى كۆرگەن تورداشلار ئاللاھ يولىدا شۇ مىسكىنلەرنى يوقلاپ قويساڭلار. 1 يۈەن ئاز ئەمەس، 100 يۈەن كۆپ ئەمەس. ھەممىمزى بىر ياقتىن قول، بىر ياقتىن باش چىقىرىپ، ئاشۇ نارسىدە بالىسىنىڭ يىتىم قالماسلىقى ئۈچۈن بولسىمۇ، جۈمەنىسانى قۇتقۇزىۋالساق!!!

             ئەگەر سىز يىراقتا بولۇپ ، ئاللاھ يولىدا ساۋابلىق قىلماقچى بولسىڭىز، تۆۋەندىكى كارتىغا ئاتىغىنىڭىزنى سالسىڭىز بولىدۇ.

             يېزا- ئىگىلىك بانكىسى: 9559980890631602616

             كارتا ئىگىسى: مەتسىدىق مەترۇزى

             خەنزۇچىسى: 麦麦斯地克。麦麦如孜

             پۇل سالغان تورداشلار ماڭا ئۇچۇر ياكى 0991- 8299147 غا تېلېفون قىلۋەتسەڭلار. مەن بۇلارنى تورغا چىقىرىپ قويىمەن!

             ئىئانە قىلغۇچىلار تىزىملىكى:

1. ﺑﯩﺮ ﺗﯧﺒﺒﯩﻲ ﺋﯘﻧﯟﯦﺮﺳﺘﯧﺖ ﻗﯩﺰ ﺋﻮﻗﯘﻏﯘﭼﯩﺴﻰ (ﺋﯩﺴﻤﯩﻨﻰ ﭘﻪﻗﻪﺕ ﺩﯨﮕﯩﻠﻰ ﺋﯘﻧﯩﻤﯩﺪﻯ) : 50 ﻳﯜﻩﻥ
2. ﻗﯘﻣﯘﻝ ﺗﺎﺭﺍﻧﭽﯩﻠﯩﻖ ﺋﺎﺑﻠﯩﺘﯩﭗ : 21 ﻳﯜﻩﻥ
3. ﺋﺎﻳﻨﯘﺭﻯ ﮔﯜﻟﺨﺎﻧﯩﺴﻰ ﺧﯩﺰﻣﻪﺗﭽﯩﻠﯩﺮﻯ : 168 ﻳﯜﻩﻥ
4. ﺷﺎﯕﺨﻪﻳﺪﻩ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺋﺎﺑﺪﯗﺳﺎﻻﻡ : 500 ﻳﯜﻩﻥ
5. ﯞﺍﭘﺎﺩﺍﺭﯨﻢ 912 : 10 ﻳﯜﻩﻥ
6. ﺋﯘﻟﺘﺎﺷﺘﺎ ﺋﯧﻨﮕﻠﯩﺰﭼﻪ ﺋﯚﮔﯩﻨﯩﯟﺍﺗﻘﺎﻥ ﺋﻪﺧﻪﺕ ﺋﻪﭘﻪﻧﺪﻯ: 50 ﻳﯜﻩﻥ
7. ﻣﯘﺯﯨﻜﺎ ﺋﯩﺸﻠﻪﻳﺪﯨﻐﺎﻥ ﺋﻪﺭﻛﯩﻦ ﺋﻪﭘﻪﻧﺪﻯ: 100 ﻳﯜﻩﻥ
8. ﺗﯩﻠﺴﯩﻤﺎﺕ ﺋﻪﭘﻪﻧﺪﻯ : 10 ﻳﯜﻩﻥ
9. ﻧﺎﻟﻪﻥ ﯞﻩ ﻛﺎﺭﺍﻝ : 200 ﻳﯜﻩﻥ
10. ﺑﯧﻴﺠﯩﯖﺪﺍ ﺋﯩﺸﻠﻪﯞﺍﺗﻘﺎﻥ ﺑﯩﺮ ﺋﻪﭘﻪﻧﺪﻯ (ﺋﯩﺴﻤﯩﻨﻰ ﺋﺎﺷﻜﺎﺭﻻﺷﻨﻰ ﺧﺎﻟﯩﻤﺎﻳﺪﯨﻜﻪﻥ) : 200ﻳﯜﻩﻥ
11. ﺑﯩﺮ ﻳﯜﻩﻥ ﭘﯩﻼﻧﻰ: 50 ﻳﯜﻩﻥ
12. ﺟﯧﻚ : 50 ﻳﯜﻩﻥ
13. ﻳﯜﻛﺴﻪﻝ (ﻳﻮﻗﻼﭖ ﺑﺎﺭﻏﺎﻧﺪﺍ) : 110 ﻳﯜﻩﻥ
14. ﮬﻪﻗﺘﻪﻳﯜﺭ (ﻳﻮﻗﻼﭖ ﺑﺎﺭﻏﺎﻧﺪﺍ) : 100ﻳﯜﻩﻥ
15. ﺑﻪﺭﻧﺎ (ﻳﻮﻗﻼﭖ ﺑﺎﻏﺎﻧﺪﺍ) : 20 ﻳﯜﻩﻥ
16. 719 (ﻳﻮﻗﻼﭖ ﺑﺎﺭﻏﺎﻧﺪﺍ) : 50 ﻳﯜﻩﻥ
17. ﺋﯩﺴﻤﯩﻨﻰ ﺋﺎﺗﺎﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺗﻮﺭﺩﺍﺵ (ﻳﻮﻗﻼﭖ ﺑﺎﺭﻏﺎﻧﺪﺍ) : 20 ﻳﯜﻩﻥ
(ﻳﻪﻛﺸﻪﻧﺒﻪ ﻛﯜﻧﯩﺪﯨﻜﻰ ﻳﻮﻗﻼﺷﺘﺎ ﺗﻮﺭﺩﺍﺷﻼﺭ ﺟﻪﻣﺌﯩﻲ 300 ﻳﯜﻩﻥ ﺋﯩﺌﺎﻧﻪ ﻗﯩﻠﻐﺎﻥ)
18. ئاپتونوم رايونلۇق قىزىل كرېست جەمئىيىتىدىكى مەنسۇز ئەپەندى : 50 يۈەن
19. ئاۋسترالىيە قىزىل كرېست جەمئىيىتىدىكى گلەن ئەپەندى : 100 يۈەن
20. ساياھەت ئىدارىسىدىكى نەجىبە خانقىز : 20 يۈەن
21. ﺳﻪﻳﻤﺎﭼﺎﯕﺪﺍ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺑﻪﻛﺮﻯ ﮬﺎﺟﯩﻢ: 300 ﻳﯜﻩﻥ
22. ﻧﺎﻣﻪﻟﯘﻡ ﺑﯩﺮﻩﻳﻠﻪﻥ: 50 ﻳﯜﻩﻥ
-------------------------
ﺟﻪﻣﺌﯩﻲ: 2269ﻳﯜﻩﻥ

مەنبە: http://www.izdinix.com/munbar/ShowPost.asp?ThreadID=18439

بالنىستتىكى جۇمەنىسا:

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى