1 . رېماتىزىم سەۋەبىدىن بەل – پۇت بوغۇملىرى ۋە پەيلىرى تارتىشىپ ئاغرىسا ، شور تۇزنى قاينىتىپ ، پۇت – قوللارنى يۇيۇش كېرەك .

   2 .  رېماتىزىم سەۋەبىدىن پۇت – قول ، پاقالچەك ، بەل ئاغرىسا ، شور تۇزنى سوقۇپ قىزىتىپ ، يەرلىك ئۇسۇلدا ئىسسىق ئۆتكۈزۈپ ،ھورداتسا ، كېسەلگە تېز مەنپەئەت قىلىدۇ .

   3 . رېماتىزىم سەۋەبىدىن بەل ، پۇت ، پاقالچەك ، بوغۇملار تارتىشىپ ئاغرىغاندا ، قارا ئۆرۈك قېقى ، قارىغاي مەدىكى ، چاكاندا ، شىۋاق ۋە ئىسسىقلىق دورا – دەرمانلارنى قاينىتىپ ، ئاغرىغان جايلارنى يۇيۇپ بەرسە ، ئۈنۈمى بولىدۇ .

   4 . رېماتىزىم سەۋەبىدىن پۇت – قول ، بەل ، پاقالچەك پەيلىرى ئاغرىسا ئاق ھاراقنى سۈرۈپ بەرسە ، كېسەلگە تېز شىپا بولىدۇ .

   5 . رېماتىزىم سەۋەبىدىن بوغۇملار چىدىغۇسىز ئاغرىسا ، كەپتەر باچكىسىنىڭ ئىسسىق قېنىنى بوغۇملارغا ئېقىتسا ئاغرىق قۇيۇپ بېرىدۇ .

   6 . رېماتىزىم سەۋەبىدىن پۇت – قول  ، پاقالچەك ، بەل ئىسىمىسا ئىتنىڭ تېرىسىنى ئىسسىق چېغىدىلا بوغۇم مەركەزلىرىگە يۆگىسە ، ئۈنۈمى تېز بولىدۇ .

   7. رېماتىزىم سەۋەبىدىن بوغۇملار چىدىغۇسىز ئاغرىسا ، قارا قىچا يېغى ، زەيتۇن يېغى ، قوينىڭ قۇيرۇقى ، ئېيىق يېغى ، غاز يېغى ، تۆگە يېغىنى سۈركەپ بەرسە ، كېسەلنىڭ ساقايتىش ئۈنۈمى يۇقىرى بولىدۇ .

  8 . رېماتىزىم سەۋەبىدىن بوغۇملار پەسىل خاراكتېرلىك ئاغرىپ تارتىشىپ قالسا ، شور تۇز ، پىلە مايىقى ، قىچا كۈنجۈرىسى ، كۈزگى بۇغداي كېپىكىنى ئايرىم – ئايرىم قورۇپ ئىسسىق ئۆتكۈزۈپ بەرسە ، ئۈنۈمى بولىدۇ .

( مۇھەررىر : ئامانگۈل )

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى