جاراھەت  ئېغىزىنىڭ  ئىچى،  تېشىدىكى  شۆلگەي  سۇيۇقلۇقىدا  ئادەتتە  دائىم  كۆرۈلىدىغان  كېسەل  پەيدا  قىلغۇچى  ئورگانىزملار  بولۇشتىن  سىرت،  بەزىدە  ئەيدىز  ۋىرۇسى،  غالجىر  كېسىلى  ۋىرۇسى  ياكى  يىلان  زەھىرى  قاتارلىقلار  بولۇشى  مۇمكىن،  ناۋادا  دەرھال  تازىلاپ  چىقىرىۋەتمىسە،  جاراھەتلەنگۈچىنىڭ  ھاياتىغا  خەۋپ  يېتىدۇ.  شۇڭا،  ئادەم  زەخىملەنگەندىن  كېيىن  ئالدى  بىلەن  تېزدىن  زەھەرنى  چىقىرىۋېتىشنى  ۋە  دېزىنفېكسىيىلەشنى  ئويلىشىش  كېرەك.

              بەزى  كىشىلەر  خاتا  ھالدا  قول  بىلەن  جايلىق  ئورۇندىكى  بولغانغان  قاننى  سىقىپ  چىقىرىۋەتكىلى  بولىدۇ،  دەپ  قارايدۇ.  ئەمەلىيەتتە  تېرە،  مۇسكۇلغا  چوڭقۇر  كىرگەن  زەھەرنى  سىقىپ  چىقىرىۋەتكىلى  بولمايلا  قالماي،  سىققانسېرى  زەھەر  شۇنچە  تېز  تارايدۇ.  قالدۇق  زەھەرنى  چىقىرىۋېتىشنىڭ  ئەڭ  ياخشى  ئۇسۇلى  دەرھال  پاكىز  سۇ،  ئىچىملىك  ياكى  باشقا  زىيانسىز  سۇيۇقلۇقلار،  ھەتتا  سۈيدۈك  ئارقىلىق  جاراھەتنىڭ  ئىچى،  تېشىدىكى  شۆلگەي  ۋە  بولغانغان  قانلارنى  تازىلاپ  چىقىرىۋېتىش،  ئاندىن  يود  تىنكتۇرىسى  (يودنىڭ  ئىسپىرتتىكى  ئېرىتمىسى)  سۈرۈش  ئارقىلىق  جاراھەت  ئېغىزىغا  كىرىپ  كەتكەن  قالدۇق  زەھەرنى  تازىلاش  كېرەك.  ئەگەر  يېنىدا  ئىشلىتىدىغان  سۇيۇقلۇق  ياكى  سۇ  سۈمۈرىدىغان  نەرسە  بولمىسا،  ئالدى  بىلەن  ئېغىزى  ئارقىلىق  بۇلغانغان  قانلارنى  شورىۋەتسىمۇ  بولىدۇ،  يود  تىنكتۇرىسى  گەرچە  قاتتىق  ئاغرىتسىمۇ،  ھاياتنى  قۇتقۇزۇش  ئۈچۈن،  ئاغرىققا  چىداش  كېرەك.

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى