ئۆپكە تۇبېركۇليۇزىغا گىرىپتا بولغۇچىنىڭ يۆتىلىشى ياكى مىشقىرىشى بىلەن تۇبېركۇليۇز باكتېريىسى ھاۋاغا تارقىلىپ ساغلام كىشىلەرگە يۇقىدۇ.جىددىي ھەركەتچان مەزگىلدىكى ئۆپكە تۇبېركۇليۇز ئاغرىقلىرى بىر ئورۇندا نورمال كىشىلەر بىلەن ئۇچىراشسا ،كەم دىگەندە ئون كىشىنى يۇقۇملاندۇرىدۇ،شۇڭا بۇنداق كىشىلەر چوقۇم بەلگىلەنگەن دوختۇرخانىلارغا بېرىپ داۋالىنىشى كېرەك.

              ئاغرىقنىڭ ئائىلىدىكىلەر ئاغرىق ئىشلەتكەن يوتقان-كۆرپىلەرنى ئاپتاپقا سېلىشى ھەم ئۇ ئىشلەتكەن تاماق قاچىلىرىنى دېزىنفىكسىيە قىلىشى ،شۇنداقلا دائىم ئىشىك دېرىزىلەرنى ئېچىپ ئۆينىڭ ھاۋاسىنى ئالماشتۇرۇپ،يۇقۇمنىڭ ئالدىنى ئېلىشى كېرەك.

              ئۆپكە تۇبېركۇليۇزى بىلەن يۇقۇملىنىش بەدەننىڭ ئىممۇنىت ئىقتىدارىنىڭ كۈچلۈك-ئاجىزلىقى بىلەن مۇناسىۋەتلىك،ئىممۇنىت ئىقتىدارى كۈچلۈك كىشىلەر ئادەتتە ئاسانلىقچە ئۆپكە تۇبېركۇليۇزى بىلەن يۇقۇملانمايدۇ. ئۆپكە تۇبېركۇليۇزىنى بالدۇر بايقاش،بالدۇر داۋالىتىش كېرەك.

              ئادەتتە ئۆپكە تۇبېركۇليۇزنىڭ دەسلەپكى مەزگىلدە بولۇپمۇ ياشلاردا كېسەللىك ئالامىتى روشەن گەۋدىلەنمەيدۇ،ئۆپكە تۇبېركۇليۇزدىن ساقلىنىش ئۈچۈن ياخشىسى ھەر يىلى قەرەللىك بەدەن تەكشۈرتۈش كېرەك.

ئۇنىڭدىن باشقا باشلانغۇچ،ئوتتۇرا مەكتەپ ئوقۇغۇچىلىرىنىڭ ئوقۇشقا كىرگەندە ۋە ئوقۇش پۈتكۈزگەندە سالامەتلىك ئەھۋالى تەكشۈرۈلىدۇ،ئادەتتە بولسا يىللاپ تەكشۈرۈلمەيدۇ.شۇڭا ئاتا-ئانىلار بالىلىرىنى ھەريىلى قەرەللىك تەكشۈرتۈپ تۇرىشىغا دىققەت قىلىشى كېرەك.

              ئەتىياز ۋە كۈز پەسىللىرىدە ھاۋا تولا ئۆزگەرگەندە ،ياخشىسى كىشىلەر زىچ توپلاشقان ئاممىۋىي سورۇنلارغا ئاز بېرىپ،ئۆپكە تۇبېركۇليۇزى بىلەن يۇقۇملىنىپ قېلىشتىن ساقلىنىش كېرەك.شۇنداقلا خالىغان يەرگە تۈكۈرىدىغان ناچار ئادەتنى تۈگىتىش كېرەك.

              ئۇنىڭدىن باشقا زۇكام بولۇپ ئىككى ھەپتە دورا يىسىمۇ ياخشىلانمىسا،ئىككى ھەپتىدىن ئارتۇق ئۇدا يۆتەلسە،ئىشتىھا سەۋەبسىز تۇتۇلۇپ بەدەن ماغدۇرسىزلانسا،چۈشتىن كىيىنكى بەدەن تېمپۇراتوراسى ئۇدا 38سېلسىيە گىرادۇستىن چۈشمىسە ،دوختۇرخانىغا بېرىپ ئۆپكە تۇبېركۇليۇز ىغا گىرىپتار بولغان-بولمىغانلىقىنى تەكشۈرتۈش كېرەك.

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى