|
جىگەر قېتىش - جىگەر ھۆجەيرىلىرىنىڭ زەخىملىنىشى ، تالالارنىڭ ئۆسۈشىدىن بولىدىغان پۈتۈن بەدەن خاراكتىرلىك كېسەللىكتۇر . سوزۇلما خاراكتىرلىك جىگەر ياللۇغىنى ئۇزۇن مەزگىللىك ئوزۇقلۇق يېتىشمەسلىك ، ئىسپىرتتىن زەھەرلىنىش ،سوزۇلما خاراكتىرلىك ئۆت يولى كېسەللىكلىرى قاتارلىقلار كەلتۈرۈپ چىقىرىدۇ . كېلىنىكدا ئەڭ ئالدى بىلەن قورساق كۆپۈش ، كۆڭلى ئېلىشىش ، ياندۇرۇش ، ئىچى سۈرۈش ماغدۇرسىلىنىش ، تاماق يىگۈسى كەلمەسلىك قاتارلىق ئالامەتلەر كۆرۈلىدۇ . كېسەلنىڭ ئاخىرقى مەزگىلىدە چىرايى قارىداش ، ئورۇقلاش ، قورساق كۆپۈش ، قورساققا سۇ يىغىلىش ، سارغىيىش ھەم قاناش قاتارلىق ئالامەتلەر كۆرۈلىدۇ .
بۇ كېسەلگە گىرىپتار بولغۇچىلار تۆۋەندىكىلەرگە دېققەت قىلىش كېرەك :
1. كۆڭۈلنى خوشال تۇتۇش ، داۋالىنىشتا چىڭ تۇرۇش كېرەك .
2. ئاز ھەرىكەت قىلىش ، ئېغىر ، قاتتىق ھەرىكەتكە قاتناشماسلىق كېرەك . ئەگەر كېسەل ئالامەتلىرى ئېغىر بولسا ، كارىۋاتتا يېتىپ دەم ئېلىش كېرەك .
3. يۇقىرى ئېنىرگىيە ، يۇقىرى ئاقسىل ، ۋىتامىن مول بولغان ھەم ئاسان ھەزىم بولىدىغان يېمەكلىكلەرنى يېيىش كېرەك . جىگەر زەخىملىنىش ئېغىر ، ئەس ھوشى جايىدا بولمىغان بىمارلار ئاقسىل ماددىسى كۆپ يېمەكلىكلەرنى ئىستېمال قىلماسلىق كېرەك .
4. ماينى كۆپ ئىستېمال قىلماسلىق، بولۇپمۇ ھايۋانات مېيىنى ئاز ئىستېمال قىلىش كېرەك .
5. قورساققا سۇ يىغىلغان بىمارلار تۇزسىزراق تاماق يېيىش ۋە تۇزنى پەقەتلا ئىستېمال قىلماسلىق كېرەك .
6. ھاراق ئىچمەسلىك ، تاماكا چەكمەسلىك
7. جىگەر قېتىش كېسىلى ئاغرىقلىرىنىڭ ئاشقازان ۋە قىزىلئۆڭگۈچ تومۇرلىرى بېسىمى ئېشىپ كۆپۈشكەن بولۇپ ، بىر ئاز قاتتىق قۇرۇق يېمەكلىكلەرنى يېگەندە ياكى ئاچچىق نەرسىلەرنى يېگەندە بۇ ئورۇنلار قانىشى مومكىن . شۇڭا يۇمشاق غىزا يېيىش كېرەك .
8. ۋىتامىن تەركىبى يۇقىرى يېمەكلىكلەرنى يېيىش ، مەسىلەن : ئالما ، سەۋزە ، پەمىدۇر قاتارلىقلار .
شۇنىڭغا دېققەت قىلىش كېرەككى ، خۇڭشۇ ، ياڭيۇ ، پۇرچاق قاتارلىق نەرسىلەرنى ۋە گازلىق ئىچىملىك قاتارلىق يەل پەيدا قىلىدىغان يېمەكلىكلەر ، ئىچىملىكلەرنى ئاز ئىستېملا قىلىش كېرەك .
سۈيدۈك ھەيدەش دورىلىرىنى ئىچكەندە دوختۇرنىڭ كۆرسەتمىسى بويىچە تەپشەپ ئىچىش كېرەك .
|
تېــــبابەت ئۇلىــــنىشــــلىرى
تورداش
باھاسى:«ئەڭ يېڭى 10 باھا كۆرسىتىلىدۇ ، مەزكۈر باھالار پەقە
تورداشلارنىڭ شەخسىي كۆز قارىشىغىلا ۋەكىللىق قىلىدۇ»
