1. بالىنى ئېمىتكەندە، بوۋاقنىڭ ئېمىش ھالىتى ( بوۋاقنى تۇتۇش ھالىتى ) بىلەن سوسكىنىڭ ئورنى توغرا بولماسلىق. مەسىلەن: بوۋاق تۈز ياتقاندا سوسكا يۇقىرىقى جاغ سۆڭەكنى باسىدۇ، بوۋاق تۆۋەنكى جاغ سۆڭىكىنى ئالدىغا سوزغاندىلا سۈتنى ئېمەلەيدۇ، بۇخىل ئەھۋال ئۇزۇن ۋاقىت داۋاملاشسا، ئاستىنقى سۆڭەك ئالدىغا بۆرتۈپ چىقىپ، ئۇدۇل چىش تەتۈر چىشلىشىدىغان ( تۆۋەنكى جاغدىكى چىشلار يۇقىرىقى جاغدىكى چىشلارنى ئورايدىغان ) غەيرىي شەكىل ھاسىل بولىدۇ. ئېمىتىشنىڭ توغرا ئۇسۇلى بوۋاقنى تۈز ئولتۇرغۇزۇپ، سوسكا بىلەن ئۈستۈنكى جاغ سۆڭەكنى زىيادە بېسىۋەتمەسلىكتىن ئىبارەت.

         2. ئۇخلاش ھالىتى توغرا بولماسلىق : بىر تەرەپنىلا بېسىپ يېتىش، قول ياكى مۇشتۇمىنى يۈزگە يېقىپ ئۇخلاش، دۈم يېتىشلارنىڭ ھەممىسى بېسىلغان ئورۇننىڭ يېتىلىشىگە تەسىر يەتكۈزۈپ، يۈزنىڭ سىممىتېرىك بولماسلىقى، چىش ئورنىنىڭ خاتا بولۇشى ياكى چىشنىڭ غەيرىي ئۆسۈشىنى كەلتۈرۈپ چىقىرىدۇ. ئۇخلىغاندا ھەرگىز نوقۇل بىر خىل ھالەتتىلا ياتماسلىق، بېسىلغان ئورۇننىڭ يېتىلىشىگە تەسىر يېتىشتىن ساقلىنىش كېرەك.

         3. يېمەكلىكنى بىر تەرەپتىلا چايناشقا ئادەتلىنىش: يېمەكلىكنى ئەگەر پەقەت بىر تەرەپتىلا چاينىسا، ۋاقىت ئۇزارغانسېرى، ئىشلەتمىگەن تەرەپتىكى يۈز مۇسكۇلى ۋە سۆڭەك يېگىلەپ، بىر يۈز چوڭ، بىر يۈز كىچىك بولۇشتەك غەيرىي شەكىل كېلىپ چىقىدۇ، چوقۇم يېمەكلىكلەرنى ئىككى تەرەپتە چايناپ، يۈزنى نورمال يېتىلدۈرۈش لازىم.

         4. تىلنى چىقىرىش ۋە تىلنى چىشلەشكە ئادەتلىنىش : مەيلى تىلنى چىشلەش ياكى تىلنى چىقىرىش بولسۇن، ھەممىسىلا چىشنىڭ يېتىلىشىگە تەسىر يەتكۈزۈپ، ئۇدۇل چىش جۈپلەشمەسلىكتەك غەيرىي شەكىلنى كەلتۈرۈپ چىقىرىدۇ.
بارماقنى شوراشقا ۋە نەرسىلەرنى چىشلەشكە ئادەتلىنىش: ئادەتتە بارمىقىنى شوراشنى ياكى قەلەم چىشلەشنى ياخشى كۆرىدىغانلارنىڭ يۇقىرىقى ئۇدۇل چىشى ئالدىغا بۆرتۈپ چىقىپ، تۆۋەنكى ئۇدۇل چىش كەينىگە كېتىپ، چىشلار قىستىلىپ، ئۇدۇل چىش ئاراش بولۇشتەك غەيرىي ھالەت شەكىللىنىدۇ.

         5. لېۋىنى چىشلەشكە ۋە لېۋىنى شوراشقا ئادەتلىنىش: ئاستىنقى لېۋىنى شورايدىغان ياكى چىشلەيدىغانلارنىڭ تۆۋەنكى ئۇدۇل چىشى ئۈستى-ئۈستىگە چىقىپ قىستىلىپ، يۇقىرىقى ئۇدۇل چىشى ئالدىغا بۆرتۈپ چىقىپ، ئىككى لېۋى جۈپلەشمەي، چىش كۆرۈنۈپ قالىدىغان ئەھۋال كۆرۈلىدۇ.

         6. ئاغزى بىلەن نەپەسلىنىشكە ئادەتلىنىش: ئاغزى بىلەن نەپەسلىنىدىغانلارنىڭ ئۈستۈنكى تاڭلىيى ئېگىلىپ، ئۇدۇل چىشى قىستىلىپ ئاراش بولۇشتەك غەيرىي شەكىلنى كەلتۈرۈپ چىقىرىدۇ.


         ئەگەر بالىلاردا ناچار ئادەتلەر كۆرۈلسە، ئائىلە باشلىقلىرى يول قويماستىن، نەسىھەت قىلىپ، ئادەتلەرنى ئۆزگەرتىشكە كۆندۈرۈش، زۆرۈر تېپىلغاندا دوختۇرخانىغا ئاپىرىپ مەخسۇس بۆلۈمدە داۋالىتىپ تۈزىتىش، بالىلارنىڭ چىشىنىڭ نورمال ئۆسۈپ-يېتىلىشىگە كاپالەتلىك قىلىشى كېرەك

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى