1 .روھىي  جىددىيلىك  .  ئۇزۇن  مەزگىللىك  قايغۇ  -  ھەسرەت مەيۈسلۈك  ۋە  روھىي  زەربە  ئاسانلا  ئاشقازاننىڭ  جاراھەتلىنىشىنى  كەلتۈرۈپ  چىقىرىدۇ  . 

    2.ھەددىدىن  زىيادە  چارچاش  .  مەيلى  جىسمانىي  ئەمگەكتىن  ياكى  زىيادە  چارچاش  ئاشقازان  ،  ئۈچەيگە  قان  يەتكۈزۈپ  بېرىشكە  تەسىر  يەتكۈزۈپ  ،  ئاشقازان  كىسلاتاسىنىڭ  مىقدارىنى  ئاشۇرۇپ  ،  يېپىشقان  سۇيۇقلۇقنى  ئازايتىپ  ،  ئاشقازان  شىللىق  پەردىسىنىڭ  زەخمىلىنىشىنى  كەلتۈرۈپ  چىقىرىدۇ  . 

    3.ھاراقنى  كۆپ  ئىچىش  .  ئىسپىرت  ئاشقازان  شىللىق  پەردىسىگە  بىۋاستە  تەسىر  كۆرسىتىپ  ،  ياغىلىق  جىگەر  ،  جىگەر  قېتىشىش  ۋە  جىددىي  ،  سوزۇلما  خاراكتېرلىك  ئۇيۇق  بەز  (  ئاشقازان  ئاستى  بېزى  )  ياللۇغى  قاتارلىقلارنى  كەلتۈرۈپ  چىقىرىپ  ،  ئاشقازاننىڭ  زەخمىلىنىشىنى  ئېغىرلاشتۇرىۋېتىدۇ  .

    4.تاماكا  .  تاماكا  چەكسە  ئاشقازان  كىسلاتاسى  ۋە  ئاشقازان  ئاقسىل  فېرمېنتىنىڭ  ئاجرىلىپ  چىقىرىلىشى  تەسىرگە  ئۇچراپ  ،  ئاشقازان  شىللىق  پەردىسى  زەخىملىنىدۇ  .

    5.ۋاقتىدا  غىزالانماسلىق  .  قورساق  بەك  ئېچىپ  كەتسە  ،  ئاشقازان  كىسلاتاسى  ،  ئاشقازان  ئاقسىل  فېرمېنتىنىڭ  ئاجىرىلىپ  چىقىشى  ئارتىپ  كېتىدۇ  .  تاماقنى  بەك  كۆپ  يەۋەتسە  ئاشقازان  كېڭىيىپ  ،  يېمەكلىكلەرنىڭ  ئاشقازاندا  تۇرۇش  ۋاقتى  ئۇزىراپ  كېتىپ  ،  ئاشقازان  زەخمىلىنىدۇ  . 

    6.باكتېرىيىدىن  يۇقۇملىنىش  .  تەتقىقاتلاردا  كۆرسىتىلىشىچە  ،  ئاشقازان  چىقىش  ئېغىزى  بۇرما  تاياقچا  باكتېرىيىسى  ئاشقازان  يارىسى  ۋە  12  بارماق  ئۈچەي  يارىسىنىڭ  ئاساسلىق  سەۋەبچىلىرىنىڭ  بىرى  ئىكەن  .  ئاشقازان  چىقىش  ئېغىزى  بۇرما  تاياقچە  باكتېرىيىسى  قاچا  -  قۇچا  ،  چىش  چوتكىسى  قاتارلىقلاردىن  باشقىلارغا  يۇقىدۇ  .

    7.كېچىدە  غىزالىنىش  .  بەك  كەچ  غىزالىنىش  ئەڭ  ناچار  ئادەتلەرنىڭ  بىرى  .  بۇ  ئۇيقۇ  سۈپىتىگە  تەسىر  يەتكۈزۈپلا  قالماي  ،  يەنە  سېمىزلىكنى  كەلتۈرۈپ  چىقىرىدۇ  .  ئۇنىڭىدىن  باشقا  كېچىدە  غىزالانغاندا  ئاشقازان  كىسلاتاسى  كۆپىيىپ  كېتىپ  ئاشقازان  يارىسىنى  پەيدا  قىلىدۇ  . 

    8 .نىترىتلار  .  ھەممەيلانگە  مەلۇم  ئىترىتلار  راك  كېسلىلىنى  پەيدا  قىلىدىغان  ئاساسلىق  «  قاتىل  »  ھېسابلىنىدۇ  .  پۇراپ  قالغان  بېلىق  ،  بۇزۇلغان  كۆكتات  ،  چىرىگەن  ئاشلىق  قاتارلىلاردا  نىترىتلارنىڭ  مىقدارى  كۆپ  بولۇپ  ،  بۇنداق  يېمەكلىكلەرنى  ئىستېمال  قىلىپ  سالسا  ئاشقازان  راكىغا  گىرىپتار  بولۇش  خەتىرى  ناھايىتى  چوڭ  بولىدۇ  .

    9.قالايمىقان  دورا  يېيىش  .  دورىنى  دوختۇرنىڭ  كۆرسەتمىسى  بويىچە  يېيىش  ،  ھەرگىز  قالايمىقان  دورا  يېمەسلىك  كېرەك  .  چۈنكى  بەزى  دورىلارنىڭ  مىقدارى  ئېشىپ  كەتسە  ،  بەدەنگە  ،  بولۇپمۇ  ئاشقازانغا  زىيان  يەتكۈزىدۇ  .

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى