ئاشقازان تۆۋەنلەش:胃下垂

              داۋالاش ئۇسۇللىرى:

1.بۇنداق بىمارلارنىڭ كۆپىنچىلىرىنىڭ تېنى ئاجىز كېلىدۇ ، شۇڭا بۇنداقلار بەدەن قۇۋۋىتىنى ئاشۇرۇش ئادەتتە مۇۋاپىق ھەرىكەت قىلىپ بېرىش ، ھەرىكەتنى ئازلىقتىن تەدرىجىي كۆپەيتىش كېرەك .

2.تاماقنى بەك كۆپ يەۋەتمەسلىك كېرەك . ئوزۇقلۇق مىقتارى يۇقىرى ، ئاسان ھەزىم بولىدىغان يېمەكلىكلەرنى يېيىش ، ھەجىمى كىچىك ، يۇقىرى ئېنىرگىيىلىك يۇقىرى ئاقسىللىق ، مايلىق يېمەكلىكلەرنى ۋە كۆكتاتلاردىن كۆپرەك يېيىش كېرەك . قورساق قىسمىغا ماي يىغىلسا ، ئاشقازاننى يۇقىرى كۆتۈرۈشكە پايدىلىق ، تاماق يىگەندە ئاز-ئازدىن ، كۆپ قېتىم يېيش ئادىتىنى يېتىلدۈرۈش كېرەك .

3.ئۇزۇن ۋاقىت ئۆرە تۇرماسلىق ھەم قاتتىق ھەرىكەت قىلماسلىق ، تاماقتىن كېيىن يېرىم سائەت يېتىۋىلىش كېرەك .

4.ياتقاندا باشنى سەل تۆۋەن ، پۇت تەرەپنى يۇقىرى قىلىپ يېتىش كېرەك .

              شۇنىڭغا دېققەت قىلىش كېرەككى ، يېقىنقى يىللاردىن بۇيان قىز - ئاياللار بەدەن شەكلىنىڭ گۈزەللىكنى ساقلاش مەقسىتىدە تاماق يىمەي ئورۇقلايدۇ  بۇنداقلارنىڭ تېنى ئاجىز ، قورساق قىسمىدا ماي يوق ، ئاسانلا ئاشقازان ، بۆرەك تۆۋەنلەش كېلىپ چىقىدۇ . ئاشقازان تۆۋەنلەپ كەتكەندىن كېيىن  قورسىقى ئاچماسلىق ، كېكىرىش ، كۆڭلى ئېلىشىش قاتارلىق ئالامەتلەر كۆرۈلىدۇ . بەزىلەر ئاشقازاننىڭ ئۆزىدە كېسەل بار دەپ دورا يەپ كېسەلنى ئېغىرلاشتۇرۇپ قويىدۇ . شۇڭا ئورۇق،ئېگىز ، ئاجىز ئادەملەر دوختۇرغا كۆرۈنۈپ ، ئاشقازاننىڭ نورمال -نورمال ئەمەسلىقىنى تەكشۈرتۈش كېرەك .

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى