يېقىندىن بۇياى :؛مبۇ لاتورىيىمىزدە تەكشۈرۈلگەن بىمارلار ئىچىدە ، سۆزنەك ، سىفلىس قاتارلىق يۇقۇملۇق جىنسىي كېسەللىكلەر بىلەى يۇقۇملانغۇچىلار ئىلگىرىكى يىللارغا قارىغاندا بىر قەدەر كۆپ بولۇپ ، بىر قىسىم بوۋاق ۋە ئۆسمۈرلەرمۇ بۇ خىلدىكى كېسەللىك مىكروبى بىلەن يۇقۇملانغان .

           بۇ خىل كېسەللەر جىنسىي كېسەللەر ئىچىدە بىر قەدەر كۆپ كۆرۈلىدىغان كېسەللىك بولۇپ ، كېسەل قوزغاتقۇچىلارنىڭ ئوخشىماسلىقىغا قاراپ كېسەللىك ئالامەتلىرىمۇ ئوخشاش بولمايدۇ . ئالامەتلىرى بەزىدە ئاشكارىلىنىپ ، بەزىدە يوقىلىپ تۇرىدۇ ، كېسەللىك پەيدا قىلغۇچى باكتېرىيىلەر ئاساسلىقى بىمارنىڭ جىنسىي ئەزاسىدا كېسەللىك ئالامەتلىرىنى پەيدا قىلىدۇ ، ئۇندىن باشقا تېرە ، شىللىق پەردىلەر ، پۈتۈن بەدەندىكى ھەر قايسى توقۇلمىلار ۋە ئەزالارغا بۆسۈپ كىرىپ ھەر خىل كېسەللىك ئالامەتلىرىنى پەيدا قىلىدۇ ، ئەگەردە مۇھىم ئەزالارغا بۆسۈپ كىرسە ھاياتىغىمۇ خەۋپ يەتكۈزىدۇ .

           بۇ خىل كېسەللەرگە گىرىپتار بولغۇچىلار دوختۇرغا كۆرسىتىشتىن خىجىل بولۇپ ، ۋاقتىدا دوختۇرغا كۆرۈنمەي ، كېسەللىك ئەھۋالىنىڭ ئېغىرلىشىشى ۋە كېسەلنىڭ ئاستا خاراكتېرگە ئۆزگىرىپ كېتىشىنى كەلتۈرۈپ چىقىرىپ ، بەدەندە ئۇزاق مۇددەت كېسەللىك مىكروبىنى ئېلىپ يۈرۈپ ، ئۆزىنىڭ ۋە باشقىلارنىڭ تەن سالامەتلىكىگە ئېغىر تەسىر يەتكۈزىدۇ ، شۇڭلاشقا بۇ خىل يۇقۇملۇق جىنسىي كېسەللىكلەرنىڭ يامراپ كېتىشىنىڭ ئالدىنى ئېلىش ئۈچۈن ، ھەر بىر كىشى پاك بولۇپ ، قالايمىقان جىنسىي مۇناسىۋەت ئۆتكۈزمەسلىكى ، يۇقۇملانغۇچىلار دەرھال مۇنتىزىم دوختۇرخانىلارغا بېرىپ ۋاقتىدا داۋالىنىشى ، ئۆز سىرىنىڭ ئاشكارىلىنىپ قېلىشىدىن قورقۇپ ، كېسەلنى كەينىگە سوزماسلىقى ، بولۇپمۇ تازىلىققا ئالاھىدە ئەھمىيەت بېرىپ ، كۈندىلىك تۇرمۇش بۇيۇملىرى ۋە تازىلىق بۇيۇملىرىنى ئۆيدىكى باشقىلاردىن ئايرىپ ئىشلىتىشى ، ئىچ كىيىم ۋە يوتقان- كۆرپىلەرنى دېزىنفېكسىيە قىلىپ تۇرۇشى كېرەك .

           بولۇپمۇ ئاياللار ھامىلىدارلىقتىن ئىلگىرى ياكى ھامىلىدارلىق مەزگىلىدە بۇ خىل كېسەللىك ئالامەتلىرىنى بايقىسا ، دەرھال دوختۇرغا كۆرسىتىپ ، دوختۇرنىڭ مەسلىھەتى ۋە داۋالىتىنى قوبۇل قىلىشى ، كېسەللىكىگە سەل قارىماي ، ۋاقتىدا تەدبىر قوللىنىپ پەرزەنتىنىڭ سالامەتلىكىگە ۋە ھاياتىغا خەۋپ يېتىشنىڭ ئالدىنى ئېلىشى كېرەك

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى