دوختۇر: سىز ئېيتقان بۇ ئەھۋال جىنسىي ئىقتىدارنىڭ بالدۇر يېتىلىشى، دېيىلىدۇ، بۇ، بالىلارنىڭ جىنسىي ئەزالىرى ۋە ئالاھىدىلىكى (جىنسىي ئەزا، ئەمچەك ۋە دوۋسۇن تۈكلىرىنىڭ ئورۇنلىشىشى قاتارلىقلار) نىڭ بالاغەتكە يەتكەن كىشىلەرنىڭكى بىلەن ئوخشاش ئىكەنلىكىنى كۆرسىتىدۇ.

             ئەگەر قىزىڭىزدا باشقا كېسەل ئالامەتلىرى بولمىسا، سىز بۇنىڭدىن غەم قىلمىسىڭىزمۇ بولىدۇ (تېخى يېشى كېچىك تۇرۇپمۇ ھەيز كۆرۈشكە باشلايدۇ، بەلكى سالامەتلىكىمۇ نورمال بولىدۇ) ، بەرىبىر نورمال ئۆسۈش يولىغا چۈشىدۇ. ئەمما باشقا كېسەللەر كۆرۈلسە، بولۇپمۇ تەن قۇرۇلۇشىدا نىسبەتنىڭ بۇزۇلۇشى (مەسىلەن، ئېگىز-پاكار، ئۇرۇق-سېمىز بولۇش ۋە بەدەننىڭ يېتىلىشى جەھەتتىكى بۇزۇلۇشلار) ئەھۋالى يۈز بەرسە ياكى يۈرۈش-تۇرۇشى ئالاھىدىرەك بولسا، ئۇنى ئىچكى ئاجراتما مۇتەخەسسىسلىرىدىن سوراشقا توغرا كېلىدۇ.

             ئىچكى ئاجراتما مۇتەخەسسىسلىرى ياكى ئىچكى ئاجراتما بەزلىرىدىن تولۇق خەۋەردار دوختۇرلار بۇنداق كېسەللەرنى ئوبدان بىلىدۇ، ئۇلار بۇ جەھەتتە مول بىلىمگە ئىگە، كىشىنى چۆچۈتىدىغان بەزى كېسەل ئالامەتلىرى ھەمىشە ئۆسمە ياكى ئىچكى ئاجراتما بەزلىرى كېسىلى بىلەن مۇناسىۋەتلىك، ئۇنىڭ كۆپ قىسمىنى داۋالاپ ساقايتقىلى بولىدۇ.

مەزكۈر ماتېرىيال شىنجاڭ ياش-ئۆسمۈرلەر نەشرىياتى تەرىپىدىن 1987-يىلى نەشىر قىلىنغان «سالامەتلىك ۋە جىنسىيەت» ناملىق كىتابتىن ئېلىندى
تىببىي پەن دوكتورى لىمون كېراك (ئامېرىكا)
يازغۇچى، مائارىپ ماگىستىرى ئىسادور روبىن (ئامېرىكا)