ئابدۇقېيۇم مۇھەممەد

                   مۇتەخەسسىسلەر مۇنداق قارايدۇ: دورىلارنىڭ ۋاقتى ئۆتۈپ كەتكەن بولسا، قېپى ئېچىلغان بولسۇن  –  بولمىسۇن، بۇنداق دورىلارنى ئىشلىتىشكە بولمايدۇ. ئادەتتە دورا قېپىدا كۆرسىتىلگەن ئۈنۈملۈك ۋاقتى ئۆتۈپ كەتمىگەن بولسىلا، بۇنداق دورا ئىشەنچلىك، دەپ قارىلىدۇ، لېكىن ئۈنۈملۈك ۋاقتى ئىچىدە بەزى دورىلار يېرىلىپ كەتكەن، رەڭگى ئۆزگىرىپ قالغان بولسا، بۇنداق دورىلارنى ئىستېمال قىلىشقا بولمايدۇ.

                   ئۈنۈملۈك ۋاقتى ئىچىدە دورىلار قېپىدا كۆرسىتىلگەندەك ياخشى ساقلانمىغان بولسا دورىنىڭ كۈچى قالمايدۇ، ئالايلۇق، قەنت كېسىلىنىڭ دورىسى ئىنسۇلىن ئادەتتە توڭلاتقۇدا ℃2 –  ℃8 تېمپېراتۇرىدا ساقلىنىشى كېرەك، يۈرەك كېسىلىگە ئىشلىتىلىدىغان نىترو گىلىتسېرىن قوڭۇر رەڭلىك قۇتىدا ھىم ساقلىنىشى كېرەك.

                   بۇنىڭدىن باشقا ئېغىزى ئېچىلغان بەدەن سىرتىغا ئىشلىتىلىدىغان سۇيۇق دورىلار، شىرنىلىك دورىلار  ئۇزاق ساقلانسا بۇزۇلۇپ قالىدۇ، شۇنداقلا تەركىبىدىكى شېكەر ماددىسى مىكروب پەيدا قىلىدۇ، بەدەن سىرتىغا ئىشلىتىلىدىغان دورا ئۇچۇچان بولسا، يەنى ئۇنىڭ تەركىبىدە ئىسپىرت، يود بولسا ئۇنى ھىم ساقلاش كېرەك. ھاۋا بىلەن ئۇچراشقاندا ئوكسىدلىنىپ قالىدىغان ۋىتامىن C غا ئوخشاش سۇيۇق دورىلار قاچىلانغان قۇتىنىڭ ئېغىزىنى ھىم ئېتىش كېرەك.

                   ھازىر دورىلار تېز يېڭىلىنىپ تۇرۇۋاتىدۇ، يېڭى دورىلارنى ساقلاشتا چۈشەندۈرۈشىدىكى ئۈنۈملۈك ۋاقتى، ساقلاش شارائىتى ۋە باشقىلارغا ئوبدان دىققەت قىلىشىمىز، ئۆز مەيلىمىز ياكى تەجرىبىمىز بويىچە ئىشلىتىۋەرمەسلىكىمىز كېرەك، ئۇنداق قىلمىغاندا يامان ئاقىۋەت كېلىپ چىقىدۇ.

( مۇھەررىر : لالە )

بىـــكەت ئۇقتۇرۇشـــــى

بىــــكەت تەۋسىـــــيەلىـــــرى