ئەيدىز يۇقۇمىغا تاقابىل تۇرۇش ئۈچۈن، دۆلەت رەھبەرلىرى باشلامچىلىق قىلدى. 2003- يىلى 12- ئاينىڭ 1- كۈنى، گوۋۇيۈەن زۇڭلىسى ۋىنجىياباۋ، مۇئاۋىن زۇڭلى ۋۇيى بېيجىڭ دىتەن دوختۇرخانىسىغا بېرىپ ئەيدىز بىمارلىرى ۋە تېببىي خادىملارنى يوقلىدى ۋە ئەيدىزنىڭ ئالدىنى ئېلىش ۋە داۋالاشتىكى «تۆت ھەقسىز، بىر غەمخورلۇق» سىياسىتىنى ئېلان قىلدى؛ 2003- يىلى 12- ئايدا، مۇئاۋىن زۇڭلى ۋۇيى مەخسۇس خۇبىي ئۆلكىسىنىڭ ئەيدىزنىڭ ئالدىنى ئېلىش- داۋالاش خىزمەت دوكلاتىنى ئاڭلىدى.

             ئەيدىز يۇقۇمى ئېغىر بولغان خېنەن ئۆلكىسى شاڭسەي ناھىيىسى ۋېنلۇ يېزىسىغا باردى ۋە ئەيدىزدىن يۇقۇملانغۇچىلارنىڭ ئۆيىدىكى بىمارلار ۋە تۇققانلىرىنى يوقلاپ، مەركىزى ھۆكۈمەتنىڭ ئەيدىز مەسىلىسىنى ھەل قىلىشتىكى ئىرادىسىنى تولۇق ئىپادىلىدى.

              2004- يىلى 7- ئايدا، زۇڭلى ۋېن جىياباۋ «پۈتۈن جەمئىيەت ئورتاق تىرىشىپ، ئەيدىزنى ئۈنۈملۈك تىزگىنلەيلى» ئىمزالىق ماقالىسىنى ئېلان قىلىپ، جۇڭگونىڭ ئەيدىز خىزمىتىدىكى فاڭجىن ۋە ستراتېگىيىسىنى يەنىمۇ بىر قەدەم ئىلگىرلىگەن ھالدا تەكىتلىدى.

             1.        يېزا ئاھالىلىرى ۋە شەھەر بازارلاردىكى ئاساسىي داۋالىنىش سۇغۇرتىسى قاتارلىق داۋالىنىش پاراۋانلىق تۈزۈمىگە قاتناشمىغان ئىقتىسادى قىيىنچىلىقى بار كىشىلەرنىڭ ئىچىدىكى ئەيدىز بىمارلىرىغا ھەقسىز ۋىرۇسقا قارشى دورىلار بىلەن تەمىنلىنىدۇ؛

             2.      پۈتۈن مەملىكەت دائىرىسىدە ئەيدىز توغىرسىدا مەسلىھەت سوراش ۋە تەكشۈرۈشنى ئىختىيار قىلىدىغان كىشىلەر ئۈچۈن ھەقسىز مەسلىھەت ۋە دەسلەپكى ئىلغاش تەكشۈرۈشى بىلەن تەمىنلەيدۇ؛

             3.       ئەيدىزۋىرۇسىدىن يۇقۇملانغان ھامىلدار ئاياللارغا ئانىدىن بالىغا يوقۇشنى توسىدىغان دورا بىلەن ھەقسىز تەمىنلەيدۇ ۋە بوۋاقنى ھەقسىز تەكشۈرىدۇ.

             4.      ئەيدىز بىمارلىرىنىڭ يىتىم قالغان بالىلىرىنىڭ ئوقۇش خىراجىتى كەچۈرۈم قىلىنىدۇ.

             5.      تۇرمۇشتا قىيىنچىلىقى بار ئەيدىز بىمارلىرى دۆلەتنىڭ قوتقۇزۇش دائىرىسىگە كىرگۈزۈلۈپ، دۆلەتنىڭ ئالاقىدار سىياسەتلىرىگە ئاساسەن، زۆرۈر بولغان تۇرمۇش ياردىمى بېرىلىدۇ. ئەمگەك قىلىش ئىقتىدارى بولغان ئەيدىز بىمارلىرىنىڭ  ئىشلەپچىقىرىش بىلەن شۇغۇللىنىپ، ئىقتىسادى كىرىمىنى ئاشۇرۇشىغا ياردەم بېرىلىدۇ.ئەيدىزنىڭ ئالدىنى ئېلىش ۋە داۋالاش بىلىملىرى تەشۋىقاتى كۈچەيتىلىپ، ئەيدىز ۋىرۇسىدىن يۇقۇملانغۇچىلار ۋە ئەيدىز بىمارلىرىغا قارىتا كەمسىتىش پەيدىنپەي ئازايتىلىدۇ.

بىـــكەت ئۇقتۇرۇشـــــى

«باھا بېرىش»«ساقلىۋېلىش»«دوستقا تەۋسىيە»«پرىنتىردا چىقىرىش»«كۆزنەكنى تاقاش»