ئاي ئىلگىرى كامىلە غۇلجا شەھەرلىك ئاياللار بىرلەشمىسىنىڭ ياردىمىدە تېخنىكا ئۆگىنىش ئۈچۈن ئۈرۈمچىگە كەلدى. ‹‹شىنجاڭ ئەيدىز  تارقالغان نۇقتىلىق رايونلاردىكى ئاياللارنىڭ قابىلىيىتىنى يېتىلدۈرۈش ۋە ھەمكارلىشىپ ئالدىنى ئېلىش، داۋالاش تۈرى›› گۇرۇپپىسى بۇنداق خانىم – قىزلار ئۈچۈن مەخسۇس كۇرس ئېچىپ، ئۇلارنى تورت، پېچىنە – پىرەنىك ياساش تېخنىكىسى بىلەن تەربىيىلىدى. يېرىم ئاي ئۆگىنىش جەريانىدا، كامىلەنىڭ روھى كۆتۈرۈلۈپ، ساۋاقداشلىرى بىلەن چىقىشىپ كەتتى ھەم سىنىپ باشلىقى بولۇپ تەيىنلەندى.

     كامىلە بىلەن بىللە تېخنىكا ئۆگىنىۋاتقان 30 ئايال قەشقەر ۋە غۇلجىدىن كەلگەن بولۇپ، ئۇلار ئۈرۈمچىدە 45 كۈن تەربىيىلىنىدۇ.

     غۇلجا شەھەرلىك ئاياللار بىرلەشمىسىنىڭ رەئىسى رۇقىيەنىڭ ئېيتىشىچە، بۇ قېتىم تېخنىكا ئۆگىنىشكە كەلگەن ئاياللارئەيدىز ئاغرىقلىرىنىڭ تەسىرىگە ئۇچراپ، ئۆيگە بېكىنىۋالغان، سىرت بىلەن  ئالاقىنى ئۈزگەنلەر ئىكەن. ھازىر ئۇلار جەمئىيەتكە يۈزلىنىشكە باشلىغان.

     كامىلە مۇخبىرغا مۇنداق دېدى: كۇرسقا كېلىشتىن ئىلگىرى   ئىشەنچىمنى پۈتۈنلەي يوقاتقان ئىدىم، ھازىر بىزگە كۆڭۈل بۆلىدىغان كىشىلەرنىڭ يەنىلا كۆپ ئىكەنلىكىنى ھېس قىلدىم، ئىشەنچىممۇ ئاشتى.

     شىنجاڭ ياشلار – ئۆسمۈرلەر تەرەققىيات مەركىزىنىڭ شۇجىسى گاۋپېيشياڭ مۇنداق دېدى: بىز غۇلجا، ئۈرۈمچى، قەشقەردىن كەلگەن ئەيدىز ئاغرىقلىرىنىڭ تەسىرىگە ئۇچرىغان 30 نامرات ئايالنىڭ يۇرتىدىن چىقىپ، نەزەر دائىرىسىنى كېڭەيتىش، ئىدىيىسىنى ئۆزگەرتىش ئۈچۈن مەخسۇس  تېخنىكىلىق تەربىيىلەشنى يولغا قويدۇق. تەربىيىلەش ئاخىرلاشقاندىن كېيىن، كەسپ سالاھىيەت  گۇۋاھنامىسى تارقىتىپ بېرىپ ، ئۇلارنىڭ ئىشقا ئورۇنلىشىشىغا ياردەم بېرىمىز.

     ئىگىلىنىشىچە، ‹‹شىنجاڭ ئەيدىز  تارقالغان نۇقتىلىق رايونلاردىكى ئاياللارنىڭ قابىلىيىتىنى يېتىلدۈرۈش ۋە ھەمكارلىشىپ ئالدىنى ئېلىش، داۋالاش تۈرى›› گۇرۇپپىسى ئۆتكەن يىلى 8 –  ئايدا تەشكىللەنگەن بولۇپ، ھازىرغىچە 2100  ئايالغا ياردەم بەرگەن.


( مۇھەررىر : ئامانگۈل )

بىـــكەت ئۇقتۇرۇشـــــى

«باھا بېرىش»«ساقلىۋېلىش»«دوستقا تەۋسىيە»«پرىنتىردا چىقىرىش»«كۆزنەكنى تاقاش»