ياشانغانلار بەدەن چېنىقتۇرغاندا نىمىلەرگە دېققەت قىلىش لازىم؟

          (1)ئۆزى ياخشى كۆرىدىغان بەدەن چېنىقتۇرۇش تۈرىنى تاللاش , ئۆزى ياخشى كۆرگەن تۈرنى تاللىسا , ھەركەت ئېلىپ بارغاندا تەبىئىي , روھىي كۆتىرەڭگۈ , قىزىقىشى كۈچلۈك بولىدۇ , ئۇزۇن مۇددەت داۋاملاشتۇرۇپ كېتىشىگە تۈرتكە بولىدۇ .

          (2)مۇۋاپىق بولغان بەدەن چېنىقتۇرۇش ۋاقىت سائىتىنى تاللاش . ياشانغانلار ئادەتتە ئەتتىگەندە تۇرۇپ كېتىدۇ , شۇڭلاشقا ئەتتىگەندە بەدەن چېنىقتۇرۇش ئېلىپ بېرىپ , چۈشكە كەچكە ئېلىپ قويماسلىق لازىم .

          (3)تەييارلىق ھەركىتىنى چوقۇم قىلىش . ياشانغانلارنىڭ مۇسكۇللىرى يىگىلەشكە باشلىغان , بەدەننىڭ ئىلاستىكىلىك كۈچى تۆۋەن بولغاچقا توساتتىن ھەرىكەت قىلسا ماسلىشالماي قېلىپ , مۇسكۇل , بوغۇم , پەيلەرنىڭ زەخىملىنىشىنى كەلتۈرۈپ چىقىرىدۇ . شۇڭلاشقا بەدەن چېنىقتۇرۇش پائالىيىتى ئېلىپ بېرىشتىن بۇرۇن چوقۇم تەييارلىق ھەركىتى قىلىش لازىم . مەسىلەن : باشنى چۆگىلىتىش , ئوڭ سولغا بۇراش , كۆكرەك كېرىش , بەلنى بۇراش , پۇتنى سېلكىش , قاتارلىق ھەركەتلەرنى ئېلىپ بېرىش لازىم .

          (4)سىلىقراق بولغان تەنتەربىيە تۈرىنى تاللاش . ياشانغانلار بەدىنىنىڭ فىزولوگىيىلىك شارائىتى بېسىمى چوڭ , ھەركىتى كۈچلۈك پائالىيەتلەرنى قىلىشقا رۇخسەت قىلمايدۇ . شۇڭا سىلىق , ئاستا , نورمال ھەركەتلەرنى قىلىش لازىم . مەسىلەن ئاستا يۈگۈرۈش , يورغىلاپ يۈگۈرۈش , ئاستا مېڭىش ھەم يېنىڭ بەدەن چېنىقتۇرۇش ئەسلىھەلىرى بىلەن ھەركەت قىلىش قاتارلىقلار .

          (5)ھەددىدىن زىيادە بېرىلىپ ھاياجانلىپ كەتمەسلىك . ياشانغانلار بەدەن چېنىقتۇرشنىڭ مۇددىئاسى ساغلام بولۇش , ئۆمۈرنى ئۇزارتىشتىن ئىبارەت . جىددىي مۇسابىقە ياكى ھەددىدىن زىيادە يېڭىشنى قوغلىشىپ كەتسە , روھىي كەيپىياتى ئاسانلا ھاياجانلىنىپ جىددىيلىشىپ قالىدۇ . ماسلىشىش نورمىسىدىن ئېشىپ كەتسە , خەتەر كېلىپ چىقىشى مومكىن . 


ئالدىنقى ماقالىمىزدا ئوتتۇرا ياشتىن كېيىن ئادەم نىمە ئۈچۈن ئاجىزلاشقا باشلايدۇ تېمىسىدا تەپسىلى توختالدۇق . ياكى ياشانغانلارنىڭ نەپسى سىقىلسا... توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .