ھەممە ئىنتىزار بولغان چاغانلىق ئۇزۇن دەم ئېلىش يېتىپ كەلدى بۇ دەم ئېلىش مەزگىلىدە يىراق شەھەرلەردە ئىشلەۋاتقان پەرزەنتلەر بىلەن ئاتا-ئانىلار جەم بولىدۇ

ئەلۋەتتە، دىدارلىشىش چەكسىز خۇشاللىق ئېلىپ كەلسىمۇ، بىراق، سەپەر ھاردۇقى ۋە پەتىلەشلەر كىشىنى يەنىلا سەل ھاردۇرۇپ قويىدۇ، يەنە كېلىپ، ئورنى يۆتكىلىپ كەتسە ئۇخلىيالماسلىقتەك ئەھۋاللار كۆرۈلۈپمۇ قويىدۇ. بۇنداق ئەھۋاللاردا تۆۋەندىكى ئۇسۇللار بىلەن ئۇيقۇڭىزنى ياخشىلاڭ. 

دەم ئېلىش مەزگىلىدە ئۇيقۇڭىزنى مۇنداق ياخشىلاڭ

    1. بانان. بانان «ئۇيقۇ دورىسى» دەپمۇ ئاتىلىدۇ، ئۇ بەدەندىكى سېروتونىن ۋە قارا پىگمېنتلارنى تۇراقلاشتۇرغاندىن باشقا، ئۇنىڭدا يەنە مۇسكۇللارنىڭ تەرەققىي قىلىشى ئۈچۈن زۆرۈر ماگنىي ئېلېمېنتىمۇ بار. 

    2. جۇخار گۈلى چېيى. جۇخار گۈلى چېيىنى ئۇخلاشتىن ئاۋۋال ئىچسە، تىنچلاندۇرۇش ئۈنۈمى ياخشى بولىدۇ. ئۇ نېرۋىنى ئارام ئالدۇرۇش ۋە بىئاراملىقنى تۈگىتىشتىكى تەبىئىي ئىچىملىك ھېسابلىنىدۇ. 

    3. ئىلمان سۈت. ئىلمان سۈت ئۇيقۇنى ياخشىلاشتا ئۈنۈم بېرىدۇ، ئۇنىڭ تەركىبىدە تىنچلاندۇرۇش رولىغا ئىگە بىر خىل ئامىنو كىسلاتاسى ۋە كالتسىي بولۇپ، چوڭ مېڭىنىڭ ترىپتوفاندىن تولۇق پايدىلىنىشىغا ياردەم بېرىدۇ. 

    4. ئۆرۈك مېغىزى. ئۇ ئۇيقۇنى ياخشىلاشتا ئۈنۈم بېرىدۇ، ئۇنىڭ تەركىبىدە ترىپتوفان ۋە مۇسكۇللارنىڭ تەرەققىي قىلىشى ئۈچۈن كېرەكلىك ماگنىي ئېلېمېنتى بار. 

    5. ھەسەل. ئىلمان سۈتكە ياكى خۇش پۇراق چايلارغا ئاز مىقداردا ھەسەل قوشۇپ ئىستېمال قىلسا، ئۇيقۇنى ياخشىلىغىلى بولىدۇ. 

    6. بەرەنگە. ئۇ ئۇيقۇسىزلىقنى پەيدا قىلىش رولىغا ئىگە ئىنتېرفېرونلارنى(كاشىلا ئېلېمېنتلىرىنى) چىقىرىپ تاشلايدۇ. بۇ ئۈنۈمگە يېتىش ئۈچۈن، قۇرۇتۇلغان بەرەنگىنى ئېزىپ، ئۇنىڭغا مۇۋاپىق مىقداردا ئىلمان سۈت قوشۇپ ئىستېمال قىلسا بولىدۇ. 

    7. سۇلۇ يارمىسى. سۇلۇ يارمىسى تەركىبىدە ئۇيقۇنى ياخشىلىغۇچى ماددىلار بولۇپ، قارا پىگمېنت ھاسىل قىلىدۇ، ئەگەر سىز سۇلۇ يارمىسىنى كۆپرەك چايناپ بەرسىڭىز ئۇنىڭ ئۈنۈمى تېخىمۇ ياخشى بولىدۇ. 

    8. تېرىق. تېرىقتا ترىپتوفان تەركىبلىرى مول بولۇپ، ئۇنى ئىستېمال قىلغاندىن كېيىن ئادەمگە تويۇنۇش تۇيغۇسى بېرىدۇ، ئۇ ئىنسۇلىننىڭ ئاجرىلىشىنى ئىلگىرى سۈرۈپ، مېڭە ئېھتىياجلىق ترىپتوفاننىڭ سانىنى كۆپەيتىدۇ. تېرىق ئۇنىدا ئەتكەن ئۇماچنى ئۇخلاشتىن بۇرۇن ئىچسە، ئۇيقۇ تېخىمۇ ياخشى بولىدۇ. 


ئالدىنقى ماقالىمىزدا قانداق ئادەتلەر ئۇيقۇغا تەسىر يەتكۈزىدۇ ؟ تېمىسىدا تەپسىلى توختالدۇق . ياكى قىش پەسلىدە زۇكامدىن ساقلىنىشنىڭ ئەپچىل چارىسى توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .