نۇرغۇن كىشى بىرەر قېتىم مەست بولۇپ قالغانغا نېمە بوپتۇ ، ھاراقنى كۈندە ئىچمىسەم دەپ قارايدۇ ، ئەمما مەست بولغاندا تۆۋەندىكى توققۇز ئەزايىڭىزنىڭ زىيانغائۇچرايدىغانلىقىنى ئويلاپ باقتىڭىزمۇ ؟

   بۆرەك . ھاراق سۈيدۈك توختىتىش ھورمونىنىڭ ئاجرىلىشىنى تىزگىنلەيدۇ ، شۇنىڭ بىلەن بۆرەكنىڭ سۇنى قايتا سۈمۈرۈشى تەسىرگە ئۇچراپ ، بەدەننىڭ ئېغىر دەرىجىدە سۇسىزلىنىشىنى كەلتۈرۈپ چىقىرىدۇ ۋە باش ئاغرىش ، كۆڭلى ئاينىش ، باش قېيىش قاتارلىق ئەھۋاللار كۆرۈلىدۇ .

   كۆكرەك . ئىسپىرت ئانىلىق ھورمۇننى غىدىقلاپ ، ئەرلەرنىڭ كۆكرىكىنىڭ يوغىنىشىنى كەلتۈرۈپ چىقىرىدۇ . ھاراقنى كۆپ ئىچىدىغان ئەرلەرنىڭ كۆكرەك راكىغا گرىپتار بولۇش نىسبىتى يۇقىرى بولىدۇ.

   ئاشقازان . ئىسپىرت ئاشقازان كىسلاتاسىنىكۆپەيتىپ ، ئاشقازان شىللىق پەردىسىنى زەخىملەندۈرۈپ ، شىللىق پەردە سۇلۇق ئىششىقى ، جاراھەتلىنىش ، ئېغىر بولغاندا ئاشقازان قاناشنى كەلتۈرۈپ چىقىرىدۇ.

   ئاشقازان ئاستى بېزىئىسپىرت جىددىي خاراكتېرلىك ئاشقازان ئاستى بېزى ياللۇغىنى كەلتۈرۈپ چىقىرىدۇ ، يەنە ئون ئىككى بارماق ئۈچەيگە تەسىر قىلىپ ، ئاز مىقداردىكى ئىسپىرتمۇ ئاشقازان ئاستى بېزى ياللۇغىنى ئېغىرلاشتۇرۋېتىدۇ.

  جىگەر . ئىسپىرت جىگەرنىڭ ماي بىلەن قاپلىنىشىنى ئېغىرلاشتۇرۇپ ، ئاستا - ئاستا جىگەر قېتىشىشنى كەلتۈرۈپ چىقىرىدۇ ، دىققەت قىلىشقا ئەرزىيدىغىنى ، قىزىتما ياندۇرىدىغان ۋە بەدەندىكى ماي مىقدارىنى تۆۋەنلىتىدىغان دورىلارنىئىستېمال قىلغاندىن كېيىن ، ھاراق ئىچمەسلىك كېرەك ، چۈنكى دورا ئىسپىرت بىلەن بىرىككەندە جىگەرگە تېخىمۇ زىيانلىق.

   چوڭ مېڭە . ئىسپىرت مېڭە ھۈجەيرىلىرىنى رەخىملەندۈرىدۇ ، تەتقىقاتتا ئىسپاتلىنىشىچە ، ھاراق ئىچىپ ئالتە مىنۇتتىن كېيىن نېرۋا ھۈجەيرىلىرى زەخىملىنىدىكەن . ئۇزاق مەزگىل ھاراق ئىچكەنلەرنىڭ ئەستە تۇتۇش ئىقتىدارى ئاجىزلاپ ، چۈشىنىش ئىقتىدارى تۆۋەنلەيدىكەن.

   يۈرەك . ئىسپىرت يۈرەك مۇسكۇل ياللۇغىنى كەلتۈرۈپ چىقىرىدۇ . دائىم ھاراق ئىچىدىغانلاردا يۈرەك مۇسكۇل ھۈجەيرىلىرى ئىششىش قاتارلىق ئالامەتلەر كۆرۈلىدۇ . ئۇنىڭدىن باشقا ، يۈرەك رېتىمى تېزلىشىش ، يۈرەك مۇسكۇللىرى چارچاش قاتارلىق ئالامەتلەر كۆرۈلىدۇ.

   قان بېسىم . ئىسىپرت قان بېسىمنى يۇقىرىلىتىۋېتىدۇ . تەتقىقاتلاردا ئىسپاتلىنىشىچە ، ئازراق ئىچكەن ھاراقمۇ قان بېسىمنى يۇقىرىلىتىپ ، يۈرەك– مېڭە قان تومۇر كېسەللىكلىرى ، يۈرەك كېسەللىكى ۋە سەكتە قاتارلىق كېسەللىكلەرنى پەيدا قىلىدىكەن.

   سۆڭەك . ھاراقنى كۆپ ئىچكەندە بەدەندىكى كالتىسىينىڭ مىقدارى تۆۋەنلەپ ، سۆڭەك شالاڭلىشىش ، سۆڭەك ئاسان سۇنۇش ئالامەتلىرى كۆرۈلىدۇ . تەتقىقاتلاردىن مەلۇم بولۇشىچە ، مۇۋاپىق مىقداردىكى پىۋا ۋە ئۈزۈم ھارىقى سۆڭەكنى چىڭىتىدىكەن.


ئالدىنقى ماقالىمىزدا كىشىلەر نېمە ئۈچۈن قىزىق پىۋىنى ياقتۇرمايدۇ؟ تېمىسىدا تەپسىلى توختالدۇق . ياكى تاماكا چەككۈچىلەرگە پايدىلىق يېمەكلىكلەر توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .