ئادەتتىكى تۇرمۇشىمىزدا تاماقتىن كېيىن دىققەت قىلىشقا تېگىشلىك ئىشلارنى بىلىۋېلىشىمىز لازىم

تاماقتىن كېيىن دىققەت قىلىشقا تېگىشلىك ئىشلار


  تاماق يەپ بولۇپلا تاماكا چەكمەسلىك كېرەك . تاماقتىن كېيىن تاماكا چېكىشنىڭ زىيىنى ئادەتتىكى چاغلاردا تاماكا چېكىشكە قارىغاندا 10 ھەسسە يۇقىرى  بولىدۇ. يەنى تاماكا تەركىبىدىكى زىيانلىق ماددىلارنىڭ كۆپ قىسمى جىگەر، مىڭە ۋە يۈرەك قان تومۇرلىرىغا تەسىر كۆرسىتىدۇ .

   تاماق يەپ بولۇپلا يۇيۇنماسلىق كېرەك . تاماقتىن كېيىن يۇيۇنغاندا ئاشقازان ۋە ئۈچەينىڭ ھەزىم قىلىش ئىقتىدارى ناچارلىشىپ كېتىدۇ .

   تاماق يەپ بولۇپلا ئۇخلىماسلىق كېرەك . تاماق يەپ بولۇپلا ئۇخلىغاندا ئادەم ئوڭاي سەمىرىپ كېتىدۇ. شۇڭا تاماق يەپ بولۇپ يېرىم سائەتتىن كېيىن  ئۇخلاش كېرەك .

   تاماق يەپ بولۇپلا ماشىنا ھەيدىمەسلىك كېرەك . ئادەتتە تاماق يەپ بولغاندىن كېيىن ئاشقازان ۋە ئۈچەي يېمەكلىكلەرنى ھەزىم قىلىش ئۈچۈن كۆپ  مىقداردا قانغا ئېھتىياجلىق بولىدۇ ھەمدە چوڭ مېڭىدىكى ئەزالاردا ۋاقتلىق قان ئازلىق ئەھۋالى كېلىپ چىقىدۇ. شۇڭا بۇنداق ئەھۋالدا ماشىنا ھەيدىگەندە ئوڭايلا قاتناش ۋەقەلىرى يۈز بېرىدۇ .

   تاماق يەپ بولۇپلا ھەرىكەت قىلماسلىق كېرەك . تاماق يەپ بولۇپلا ھەرىكەت قىلغاندا، ھەزىم قىلىنغان ئوزۇقلۇق ماددىلارنىڭ بەدەنگە قوبۇل قىلىنىشى  تەسرگە ئۇچرايدۇ. بولۇپمۇ ياشانغان، يۈرەك ئىقتىدارى ئاجىز، قان تومۇر توسۇلۇش كېسەللىكىگە گىرىپتار بولغان كىشلەر تاماقتىن كېيىن ئېغىر ھەرىكەت قىلسا ، قان بېسىمى تۆۋەنلەپ كېتىدۇ. شۇڭا ئادەتتە تاماق يەپ بولۇپ ، 30 مىنۇتتىن كېيىن ھەرىكەت قىلسا ئەڭ مۇۋاپىق بولىدۇ .

   تاماق يەپ بولۇپلا بەلباغنى بوشاتماسلىق كېرەك . تاماق يەپ بولۇپلا بەلباغنى بوشىتىش ئوڭايلا ھەزىم قىلىش سىستېمىسى كېسەللىكلىرىنى پەيدا قىلىدۇ .


ئالدىنقى ماقالىمىزدا چوڭ مېڭىگە پايدىلىق يېمەكلىكلەر تېمىسىدا تەپسىلى توختالدۇق . ياكى قاندىكى ماينى يوقىتىشتىكى ئۈچ گۆھەر توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .