جىنسى ئالاقە مەسىلىسىدە دىققەت قىلىدىغان مەسىلىلەر

جىنسى ئالاقە مەسىلىسىدە دىققەت قىلىدىغان مەسىلىلەر


1. كېسەللىكتە، ئەقەللىسى تۇمۇقاپ قالغاندىمۇ جىنسى ئالاقە قىلماسلىق لازىم.

2. ھەيز كۆرگەن مەزگىلدە، ھامىلىدارلىقنىڭ دەسلەپكى ئۈچ ئېيى ۋە ئاخىرقى ئىككى ئېيىدا ھەرگىز جىما قىلماسلىق لازىم. بۇنىڭغا رىئايە قىلماسلىق ئەر-ئايالنىڭ سالامەتلىكى، ئانا ۋە ھامىلىنىڭ ھاياتىغا خەۋپ يەتكۈزىدۇ.

3. قورساقنى تويغۇزۇپلا جىما قىلىش زىيانلىق.

4. جىمادىن كېيىنلا سوغۇق نەرسىلەرنى يېيىش ۋە ئىچىش، سوغۇق سۇدا ئىستىنجا قىلىش ئىنتايىن زىيانلىق.

5. ئۆزىنىڭ يېشىدىن چوڭ ئادەملەر بىلەن جىنسى ئالاقە قىلىش ئادەمنى كاردىن چىقىرىدۇ.

6. نامۇۋاپىق ئۇسۇللار بىلەن ۋە شەكىللەر بىلەن جىما قىلىش ھەر ئىككىيلەننى ئېغىر كېسەلگە گىرىپتار قىلىدۇ.

7. زىنا قىلىش ئەخلاقى، قانۇنى نىزاملارغا ھاقارەت كەلتۈرگەنلىك بولۇپلا قالماي، شۇنىڭدەك ئىنسانىيەتنىڭ سالامەتلىكىگە ئىنتايىن زىيانلىق. سىفلىس، سۆزنەك سۈيدۈك يولى جاراھەتلىرى، جىنسى ئەزا ياللۇغى، ھەتتا بۈگۈنكى كۈندىكى ئەيدىز كېسەللىكى دەپ ئاتالغان دەھشەتلىك كېسەللىكلەرنىڭ ھەممىسى پاھىشىۋازلىق ۋە قەبىھ شەھۋانى جىنسى ئالاقىدىن تارقالماقتا. ئۇ يىرگىنىشلىك جىنسى ئەركىنلىكنىڭ ئىپلاس نەتىجىسىدۇر.

8. لەۋۋاتلىق (ئوخشاش جىنسلىقلارنىڭ جىنسى ئالاقە قىلىشى) سالامەتلىك ۋە ئىنسانىي شەرەپ غۇرۇر ئۈچۈن ئەڭ زىيانلىق شەرمەندە ھەرىكەتتۇر. خۇددى زىناغا ئوخشاشلا ئەيدىز كېسەللىكى لەۋۋاتلىق ئارقىلىقمۇ يۇقۇپ تارقالماقتا.

9. قانداقتۇر «لەززەتلىنىش» نى ئۈمىد قىلىپ، ۋاقىتسىز قۇۋۋەت دورىسىنى ئىشلىتىش، قوزغاتقۇچى، مەست قىلغۇچى دورىلارنى قالايمىقان ئىستېمال قىلىش جىنسى ئىقتىدارىنى ياخشىلاش ئەمەس، بەلكى بالدۇرراق كاردىن چىقىرىدىغان خاتا چارىدۇر.يەنە شۇنىڭغا دىققەت قىلىش كېرەككى، كىچىك بالىلار ھەم بويىغا يەتكەن قىز-يىگىت بار جايدا ئۇلارنىڭ ئاتا-ئانىلىرى قالايمىقان چاقچاقلاشماسلىقى، جىنسى مۇناسىۋەت ھەققىدە سۆز قىلىشماسلىقى، كىچىك بالىلار بار ئۆيدە بىرگە ياتماسلىقى لازىم.يۇقىرىقىلارغا دىققەت قىلغان ۋاقىتتا ئۆسمۈرلەر، ياشلار، چوڭلار ھەم ياشانغانلارنىڭ سالامەتلىكى، ئەخلاقى، ئەقلىي، جىسمانىي جەھەتلەردىن نورمال يېتىلىشىگە ھەم ئۇزۇن ئۆمۈر كۆرۈشىگە كاپالەتلىك قىلغىلى بولىدۇ.


ئالدىنقى ماقالىمىزدا ئەرلەر چوقۇم دىققەت قىلىشقا تىگىشلىك ئىشلار تېمىسىدا تەپسىلى توختالدۇق .