تەتقىقاتتىن مەلۇم بولۇشىچە، پىيادە تېز مېڭىشنىڭ بەدەن ساپاسىنى ياخشىلاشتىكى ئۈنۈمى زور ئىكەن

 

45 مىنۇت پىيادە تېز ماڭغاندا 400 كالورىيە ئىسسىقلىق سەرپ قىلىنىدىكەن.يانتۇلۇققا تېز مېڭىش سالامەتلىككە تېخىمۇ پايدىلىق بولۇپ، %20 ئېنېرگىيەنى كۆپ خوراتقىلى بولىدىكەن.

   پىيادە تېز مېڭىشتا تۆۋەندىكى بىر قانچە مەسىلىگە دىققەت قىلىش كېرەك ئىكەن:

1.بوي ئېگىزلىكى 1.7 مېتىر بولغان كىشىنىڭ قەدەمئارىلىقى بىر مېتىردىن كەم بولماسلىقى، چوڭ قەدەم تاشلاپ مېڭىش شەكلىدە مېڭىشى كېرەك ئىكەن، بۇ ئىككى پۇتنىڭ ھەرىكىتىنى ئاشۇرۇپ، قان ئايلىنىش مىقدارى ۋە سۈرئىتىنى ئۆستۈرۈپ، يۈرەكنىڭ ئىككى پۇتنى قان بىلەن تەمىنلىشىنى تېزلىتىپ، بەدەننىڭ قان ئايلىنىشىنى ئىلگىرى سۈرىدىكەن.

2. ئىككى بىلەكنىڭ ئالدى – كەينىگە ھەرىكەت قىلىشى پىيادە تېز مېڭىش ھالىتىگە ماسلىشىشى كېرەك ئىكەن.

 3. ئادەتتە، پىيادە تېز ماڭغاندا، بەدەن ئالدى تەرەپكە مايىللىشىپ، كۆز ئالدى تەرەپكە قارايدىكەن. قورساق بىر ئاز ئىچىگە تارتىلىدىكەن. بۇنىڭ بىلەن گەۋدىنىڭ تىك ھالىتىنى ساقلىغىلى بولىدىكەن.

 4. تېز پىيادە مېڭىشقا ئازادە كىيىم، ئاياغ مۇۋاپىق كېلىدىكەن.

 5. تېز پىيادە مېڭىش يوتا مۇسكۇلى، پەي، قان تومۇرلارنىڭ كېڭىيىش ۋە يىغىلىش ھەرىكىتىنى راۋانلاشتۇرىدىكەن.

 6. تېز پىيادە مېڭىشنى 20 مىنۇتتىن 60 مىنۇتقىچە داۋاملاشتۇرۇش، ھەددىدىن ئارتۇق چارچاپ كېتىشتىن ساقلىنىش كېرەك ئىكەن.

 7. يۈرەكنىڭ رىتىمى ۋە نەپەس ئۆزگىرىشىگە دىققەت قىلىپ، يۈرەك رىتىمى مىنۇتىغا 110 ~ 130 ئەتراپىدا بولسا، نەپەسئېلىش قورساقنىڭ كېڭىيىش ۋە يىغىلىشىغا مۇۋاپىقلىشالىسا بولىدىكەن.

ئوسمان ھۈسەن تەييارلىغان


ئالدىنقى ماقالىمىزدا ھەرىكەت قىلغاندا تەرلەشنىڭ سالامەتلىككە پايدىسى بار تېمىسىدا تەپسىلى توختالدۇق . ياكى قولنى كۈچەيتىش مەشىقىنى كۆپ ئىشلىگەندە ئۆمرى ئۇزۇن بولىدۇ توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .