ئۇزۇن مۇساپىلىق ياكى كۆپ ۋاقىت كېتىدىغان تەنھەرىكەت بىلەن شۇغۇللانغاندا بەدەندىن كۆپ مىقداردا تەر چىقىپ، بەدەن سۇيۇقلۇقىنىڭ تەڭپۇڭلۇقى بۇزۇلۇپ، مەركىزىي نېرۋىنىڭ پائالىيىتى تەسىرگە ئۇچرايدۇ

 

بەدەن سۇيۇقلۇقىنىڭ خورىشى تەن ئېغىرلىقىنىڭ %5 ىگە يەتكەندە ھەرىكەت ئىقتىدارىغا كۆرۈنەرلىك تەسىر يەتكۈزىدۇ. بۇنداق ئەھۋالدا كۆپ مىقداردا سۇ ئىچىپ ئۇسسۇزلۇقنى قاندۇرۇش كېرەكمۇ؟


 مۇتەخەسسىسلەرنىڭ كۆرسىتىشىچە، تەنھەرىكەت بىلەن شۇغۇللىنىش جەريانىدا كۆپ مىقداردا سۇ ئىچسە، سالامەتلىككە زىيان يەتكۈزىدىكەن، ھەتتا تېخىمۇ ئۇسساش، پاقالچاق موسكۇللىرى تارتىشىش، تەن تېمپېراتۇرىسى ئۆرلەش قاتارلىقلارنى پەيدا قىلىپ، «سۇدىن زەھەرلىنىش» نى كەلتۈرۈپ چىقىرىدىكەن.


توغرا بولغان سۇ تولۇقلاش ئۇسۇلى مۇنداق:

 

 (1) تەنھەرىكەتتىن 24 سائەت بۇرۇن يېمەك - ئىچمەك ۋە ئوزۇقلۇقنى تەڭشەپ، ئۈسسىمىغان ۋە قۇرساق كۆپمىگەن ھالەتنى ساقلاش.

 (2) تەنھەرىكەتتىن ئىككى سائەت ئىلگىرى 500mLقايناقسۇ ياكى مىنېرال سۇ ئىچىش.

 (3) تەنھەرىكەت ۋاقتى بىر سائەتتىن ئارتۇق بولسا، قايناقسۇغا %4 - %8 شېكەر سېلىپ ياكى ھەر لىتىر سۇغا 0.15g 0.1تۇز قوشۇپ، سۇ سوۋۇپ 15 -22 كەلگەندە ئىچىش كېرەك.

 (4) تەنھەرىكەت جەريانىدا ئۇسسىمىغان بولسىمۇ، ھەر 20 مىنۇتتا 1 - 2 يۈتۈم سۇ ئىچىش كېرەك.

(5) تەنھەرىكەت ئاخىرلاشقاندىن كېيىن ئېلېكترولىتلىق ئىچىملىك، يەنى تەركىبىدە ناترىي، كالىي بولغان ئىچىملىك ئىچىش كېرەك.


ئالدىنقى ماقالىمىزدا نەپەس گىمناستىكىسىنىڭ رولى تېمىسىدا تەپسىلى توختالدۇق . ياكى قايسى تۈردىكى تەنھەرىكەت يۈرەككە پايدىلىق؟ توغرىسىدىكى ماقالىنى ئوقۇپ بېقىشىڭىزنى تەۋسىيە قىلىمىز .