دۆلەت دورا نازارەتچىلىكى ئىدارىسى ‹‹ بۇ يىل 31 - ئىيۇلدىن باشلاپ تەركبىدە ‹ يۇۋبىڭياڭفېن › بولغان دورىلارنى ئىشلەپچىقىرىش ، سېتىش ۋە ئىشلىتىشنى توختىتىش ›› توغرىسىدا ئۇقتۇرۇش چىقاردى . شەھىرىمىزدىكى دورا نازارەتچىلىك تارماقلىرى 31 - ئىيۇلدىن بۇرۇن بۇ خىل تەركىبلىك دورىلارنى بازاردىن چېكىندۈرۈپ چىقىش ئۈچۈن ، بۈگۈندىن باشلاپ كۆپ خىل تەدبىرلەرنى يولغا قويدى .

   تونۇشتۇرۇلۇشىچە ، ئۈرۈمچى شەھەرلىك دورا نازارەت تارماقلىرى بۇنداق دورىلارنىڭ يۈرەككە ئېغىر ئەكس تەسىرى بولغاچقا بازاردىن چېكىندۈرۈلىدىغانلىقتىن خەۋەر تاپقاندىن كېيىن ، تەۋەلىكىدىكى دورا كارخانىلىرى ۋە دورا بىخەتەرلىكى ئېلېكتىرونلۇق ئۇچۇرلىرىنى نازارەت قىلىپ باشقۇرۇش سۈپىسىدىن پايدىلنىپ ، تەركىبىدە ‹‹ يۇۋبىڭياڭفېن ›› بولغان ‹‹ دانىڭ كاپسۇلى ›› ۋە بىڭياڭپىلىن كاپسۇلى ›› نىڭ قەيەرلەرگە  سېتىلغانلىقىنى تەكشۈرۈپ ، ھەيدەكچىلىك ۋە يېتەكچىلىك قىلغان . شۇنىڭ بىلەن بىر ۋاقىتتا ، بۇ دورا سودىسى بىلەن شۇغۇللىنىدىغان ئورۇنلارنىڭ تەدبىر قوللىنىپ بۇدورىنىڭ بازاردىن چېكىندۈرۈش خىزمىتىنى ياخشى ئىشلىشىنى تەلەپ قىلدى .

تەكشۈرۈش ئارقىلىق ‹‹ بىڭياڭپىلىن كاپسۇلى ›› نىڭ ئۈرۈمچىدە سېتىلمايدىغانلىقى ۋە ئىشلىتىمەيدىغانلىقى مەلۇم بولغان . نۆۋەتتە ، ‹‹ دانىڭ كاپسۇلى ›› ئىشلەپچىقىرىدىغان  ئورۇن پائال تەدبىر قوللىنىپ بۇ دورىنى بازاردىن چېكىندۈرۈش خىزمەتلىرىنى ئىشلەۋېتىپتۇ .