دوكلات قىلىنغان ئاغرىقلار 1 – ئايدىكىدىن %14.42 ئازايغان بولسىمۇ ، نەپەس يولى يۇقۇملۇق كېسەللىكلىرى ئۆتكەن يىلنىڭ ئوخشاش مەزگىلىدىكىدىن %37.69 ئاشقان .

    2 – ئايدا ئاپتونوم رايونىمىزدا دوكلات قىلىنغان يۇلۇن سۈر ماددا ياللۇغى ، يۇقۇملۇق ئۆپكە ياللۇغىقاتارلىق 14 خىل كېسەل ئىچىدە ئالدىنقى بەش ئورۇندا تۇرىدىغان كېسەللىكلەر ؛ ئۆپكە تۇبېركۇليۇز ، B تىپلىق جىگەر ياللۇغى ، سىفىلس ، C تىپلىق جىگەر ياللۇغى ۋە A تىپلىق جىگەر ياللۇغى بولۇپ ، دوكلات قىلىنغان كېسەللىكلەر ئومۇمىي سانىنىڭ %92.28 ىنى ئىگىلىگەن . بۇ ئايدا ئۆلۈپ كەتكەنلەرنىڭكېسەللىك تەرتىپى : ئەيدىز ، ئۆپكە تۇبېركۇليۇز، C تىپلىق جىگەر ياللۇغى ، A  تىپلىق H1N1 يۇقۇملۇق زۇكام ،  B تىپلىق جىگەر ياللۇغى قاتارلىقلار.

    ئۆتكەن ئايدىكى يۇقۇم ئەھۋالىدىن مەلۇم بولۇشىچە ، قىزىل ، A  تىپلىق H1N1 يۇقۇملۇق زۇكام ، كۆكيۆتەل قاتارلىق نەپەس يولى يۇقۇملۇق كېسەللىكلىرى دەپ دوكلات قىلىنغان ئاغرىقلار ئالدىنقى ئاي ۋە ئالدىنقى يىلنىڭ ئوخشاش مەزگىلىدىكىدىن كۆرۈنەرلىك كۆپەيگەن . بۇ ئوتتۇرا ، باشلانغۇچ مەكتەپ ۋە بالىلار باغچىلىرىدا ئوقۇش باشلىغاندىن كېيىن تۈرلۈك يۇقۇم ئەھۋالىنىڭ بەلگىلىك دەرىجىدە يۇقىرى ئۆرلىشى ۋە تارقىلىشى سەۋەبىدىن بولغان .