ۋەتىنىمىزدە ئېلىپ بېرىلغان يۈرەك ئالماشتۇرۇش ئوپىراتسىيىسىدىن كېيىن ئەڭ ئۇزۇن ياشىغان بىمار ياڭ يۈ مىن杨玉民 18 يىللىق يېڭى ھاياتىنى ئۆتكۈزۈپ ، 11 ئاينىڭ 20 كۈنى كۆپ ئورگانلار زەئىپلىشىش سەۋەبىدىن ئالەمدىن ئۆتتى .
 

ياڭ يۈمىن ھايات ۋاقتىدىكى رەسىم ، قىزى ھەم ئايالى بىلەن بىللە

ياڭ يۈمىن 1958 يىلى خىيلۇڭجاڭ ئۆلكىسى خاربىن شەھىرى دۇڭفىڭ كەنتىدە تۇغۇلغان بولۇپ ، ئالدىنقى ئەسىرنىڭ 80 يىللىرى چوشقا ئۆلتۈرۈش بىلەن جان باقاتتى . 1991 -يىلى ياڭ يۈمىن يۈرەك مۇسكۇلى ياللۇغىغا گىرىپتار بولۇپ ، خاربىن مېدىتسىنا ئۇنىۋېرسىتىتى ئىككىنجى تارماق دوختۇرخانىسىدا كېڭىيىش خاراكتىرلىك يۈرەك مۇسكۇلى ياللۇغى دەپ دىئاگنوز قويۇلغان شۇنىڭ بىلەن بىرگە ھەم يۈرەك زەئىپلىشىش ، يۈرەك چوڭىيىپ نورمال يۈرەكنىڭ 3 ھەسسىگە باراۋەر بولۇپ قالغان . بۇ سەۋەبتىن يۈرەك كۆكرەك قەپىزىدە داۋاملىق سەكرەشكە ئىمكان بولمىغان . بۇنىڭدىن يەنە جىگەر ، بۆرەك زەئىپلىشىش ئەھۋالى كۆرۈلگەن . 1992 يىلى 4-ئاينىڭ 26 كۈنى ، مەزكۈر دوختۇرخانىسىنىڭ يۈرەك تاشقى كېسەللىكلەر بۆلۈمى مۇدىرى شا چيۇ مىڭ پىراففىسور بىۋاستە ئوپىراتسىيە قىلىپ ، ياڭ يۈمىن گە يېڭى يۈرەكنى ئالماشتۇرغان . 2010 يىلى 11 ئايغىچە بولغان ۋاقىتقا قەدەر ، ياڭ يۈمىن 18 كۈز يازنى باشتىن كەچۈرۈپ ، دۆلىتىمىزدىكى ئەڭ ئۇزۇن ياشىغان يۈرەك ئالماشتۇرغان بىمار بولغان .

يېقىنقى يېرىم يىلنىڭ ياقى ، ياڭ يۈمىن ئېغىر شامالداش سەۋەبىدىن ئۆتكۈر خاراكتىرلىك بۆرەك زەئىپلىشىش ئەھۋالى كۆرۈلۈپ ، كۆپ قېتىم دوختۇرخانىغا كىرىپ داۋالانغان . داۋالاش جەريانىدا ئۆپكە ، جىگەر ، بۆرەك قاتارلىق ئورگانلارنىڭ فۇنكىسيىسىمۇ ناچارلاشقان . ئاخىرىدا قۇتقۇزۇش ئۈنۈم بەرمەي 2010 يىلى 11 ئاينىڭ 21 كۈنى ئالەمدىن ئۆتتى .

خاربىن مېدىتسىنا ئۇنىۋېرسىتىتى ئىككىنجى تارماق دوختۇرخانا باشلىقى جاڭ بىن مۇنداق دىگەن: »ياڭ يۈمىن جۇڭگو ھەتتا دۇنيا مېدىتسىناسىغا نىسبەتەن مۇھىم بىر ئەرباب بولۇپ ، 18 يىلنىڭ ياقى يۈرەك ئالماشتۇرۇش ساھەسىگە مۇھىم تەجرىبە نەتىجىسى تەمىنلەپ بەردى . «