گۈلمىرە مۇھەممەد خەۋىرى : ئۈرۈمچى شەھەرلىك ئاياللار بىرلەشمىسى بىلەن خەلقئارا بالىلارنى قۇتقۇزۇش – ياردەم بېرىش تۈرىنى باشقۇرۇش مەركىزىنىڭ ئۈرۈمچىدىكى ئىش بېجىرىش ئورنى بىرلىكتە 18 – مارت ئۈرۈمچى شەھىرىنىڭ تەڭرىتاغرايونى داۋان جەنۇبىي مەھەللىسىگە ‹‹بەيگە مەيدانى <شادلىق بالىلار پائالىيەت مەركىزى›› قۇرۇپ، بۇ يەردىكى بالىلارنىڭ دەرستىن سىرتقى پائالىيەتلىرىنى موللاشتۇرۇشىغا ئەۋزەل شارائىت يارىتىپ بەردى.

    ئۇقۇشىمچە، بۇ ئىككى ئورۇن بىرلىكتە 2007 – يىلى ‹‹بالىلار دوستلۇق مەھەللىسى›› تۈرىنى يولغا قويغان بولۇپ، 2010 – يىلى 1 – ئايدا تەڭرىتاغ رايونىنىڭ تاشبۇلاق ئالدى مەھەللىسى، ئارقا مەھەللىسى، يەنئەن يولى بەيگە مەيدانى مەھەللىسىدىكى كۆچمە نوپۇستىكىلەرنىڭ پەرزەنتلىرى ئۈچۈن ‹‹مېھىر – مۇھەببەت باغچىسى›› بالىلار پائالىيەت مەركىزى قۇرۇپ بېرىپ، ئۇنى بۇ مەھەللىلەردىكى 18 ياشتىن تۆۋەن بالىلارغا ھەقسىزئېچىۋېتىپ، بالىلارغا بىخەتەر، ئازادە، كۆڭۈللۈك ئۆگىنىش، كۆڭۈل ئېچىش سورۇنى ھازىرلاپ بەرگەنىدى، بۇ قېتىمقىسى ئۇلارنىڭ بالىلار ئۈچۈن قۇرغان ئىككىنچى پائالىيەت مەركىزى ئىكەن.