«باشقا نامى»  P-ھىدروكسى-ئامپىتسىللىن (羟胺苄青霉素，P-hydroxy-ampicillin),فلېموكسىن(弗莱莫星，Flemoxin) ، ئامولىن (阿莫灵,Amolin) ، ئاموكسىتسىللىن (阿莫仙，Amoxicillin) ، ئاموكسىل(奥纳欣，Amoxil).

 

«ئاساسىي تەركىبى»  P-ھىدروكسى-ئامپىتسىللىن

 

«فارماكولوگىيىلىك ئالاھىدىلىكى» يېرىم سىنتىزلەنگەن كەڭ تەسىرلىك پېنىتسىللىن ، باكتىريىگە قارشى دائىرىسى ئامپتىسىللىنغا ئوخشاپ كېتىدۇ ۋە ئۇنىڭدىن سەل كۈچلۈك بولىدۇ . كىسلاتاغا چىداملىق ئەمما ئېنزىمغا چىدامسىز ، B-لاكتامازانى ئوڭاي ھاسىل قىلىدىغان باكتېرىيىلەرگە قارشى ئۈنۈم بەرمەيدۇ . ئىچكەندە ئوڭاي سۈمۈرۈلىدۇ . قان پلازما ئاقسىلى بىلەن بىرىكىش نىسبىتى تۆۋەن . 12t  بىر سائەت بولۇپ، بۆرەك ئارقىلىق چىقىرىلىدۇ .

 

«مۇۋاپىق كېلىدىغان كېسەللىكلەر» سەزگۈر باكتېرىيىلەر كەلتۈرۈپ چىقىرىدىغان نەپەس يولى ، سۈيدۈك يولى ، يۇمشاق توقۇلما قاتارلىقلارنىڭ يۇقۇملىنىشىغا ئىشلىتىلىدۇ .

 

«ئىشلىتىش ئۇسۇلى ۋە مىقدارى»  چوڭلار كۈنىگە 1~3gنى 3~4 قېتىمغا بۆلۈپ ئىچىدۇ .

 

«ناچار تەسىرى»  ئاشقازان ، ئۈچەي يوللىرى رىئاكسىيىسى كۆرۈلىدۇ . ئۇزۇن مۇددەت ئىشلەتكەندە تەكرار يۇقۇملىنىش پەيدا قىلىدۇ . قىسمەن چاغلاردا ئاللىرگىيىىك ئەسۋە ، دورا قىزىتمىسى قاتارلىقلار كۆرۈلىدۇ . بەزى كىشىلەردە كىسلاتا خۇمار دانىچە ھۆجەيرىلەر كۆپىيىش ، ئاق قان دانىچىسى كېمىيىش قاتارلىقلارنى كەلتۈرۈپ چىقىرىدۇ .

 

«دېققەت قىلدىغان ئىشلار»  

(1)دورىلار بىلەن بولغان تەسىرى:پىنىتسىللىن G بىلەن ئوخشاش . 
 

(2)مەنئىي قىلىنىدىغان ئەھۋاللار:پېنىتسىللىن تۈرىدىكى ۋە سېفالوسپورىن تۈرىدىكى دورىلارغا زىيادە سەزگۈر بىمارلارغا ، يۇقۇملۇق تاق يادرۇلۇق ئاق قان ھۆجەيرىلىرى كۆپىيىش كېسىلىگە گىرىپتار بولغۇچىلارغا ، لىمفا ھۈجەيرىلىك ئاق قان كېسىلى بىمارلىرىغا ئىشلىتىش چەكلىنىدۇ . 
 

(3)باشقىلار:ھامىلدارلار ،جىگەر ، بۆرەك ئىقتىدارى توسقۇلۇققا ئۇچرىغۇچىلارغا ئېھتىيات بىلەن ئىشلىتىلىدۇ .

 

«ياسالمىسى ۋە ئۆلچىمى»

 

فىلېموكسىن گوللاندىيەدە ئىشلەنگەن . تابلىتى: تابلىت125mg   , تابلىت250mg   , تابلىت500mg

 

ئامولىن شىياڭگاڭدا ئىشلەنگەن كاپسۇلى:دانە250mg

 

ئاموكسىل گىرمانىيەدە ئىشلەنگەن كاپسۇلى: دانە250mg   , دانە500mg